ఘనంగా గోదా దేవి కల్యాణం
ABN, First Publish Date - 2021-01-14T04:21:28+05:30
నిత్య కల్యాణం.. పచ్చతోరణం అన్నట్లుగా కోన పెంచల నృసింహుడికి ఆదిలక్ష్మి, చెంచులక్ష్మి అమ్మవార్ల నిత్య కల్యాణోత్సవం ప్రతిరోజు శాస్త్రోక్తంగా కన్నులపండువగా జరుగుతుంది.
ఏడాదికి ఒకే ఒక్కరోజు అమ్మవారి కల్యాణం
రాపూరు జనవరి 13: నిత్య కల్యాణం.. పచ్చతోరణం అన్నట్లుగా కోన పెంచల నృసింహుడికి ఆదిలక్ష్మి, చెంచులక్ష్మి అమ్మవార్ల నిత్య కల్యాణోత్సవం ప్రతిరోజు శాస్త్రోక్తంగా కన్నులపండువగా జరుగుతుంది. అయితే భోగిరోజు మాత్రం శ్రీవారి భక్తురాలు గోదాదేవి అమ్మవారిని స్వామివారు కల్యాణం చేసుకోవడం విశేషం. క్షేత్రంలో భోగి పర్వదినం పురస్కరించుకుని పెంచలస్వామి భక్తురాలు గోదా అమ్మవారు కల్యాణాన్ని ఆలయ అర్చకులు ఘనంగా నిర్వహించారు. శ్రీవారి కల్యాణ మండపంలో అమ్మవారిని ప్రత్యేకంగా అలంకరించి ఆలయ అర్చకులు విశేష పూజలు నిర్వహించారు. అనంతరం శ్రీవారితో గోదా అమ్మవారి కల్యాణాన్ని ఘనంగా నిర్వహించారు. పెద్ద సంఖ్యలో భక్తులు పాల్గొని గోవింద, పెంచలనామ స్మరణలు చేశారు. కోన భక్తులకు అన్నదానంతోపాటు ఉచిత ప్రసాదాలు అందించినట్లు ఈవో వెంకటసుబ్బయ్య తెలిపారు.
నేటి నుంచి సుప్రభాతసేవ
పెంచలకోన క్షేత్రంలో గురువారం నుంచి సుప్రభాతసేవ తిరిగి ప్రారంభం కానుంది. ధనుర్మానం నుంచి సుప్రభాతసేవను నిలిపివేసి తిరుప్పావై ఆలపిస్తారు. ఈ క్రమంలో ఽభోగి రోజు గోదాదేవి అమ్మవారితో శ్రీవారి కల్యాణం నిర్వహించారు. ధనుర్మాసం ముగియడంతో ఆలయంలో యధావిధిగా సుప్రభాతసేవ జరుగుతుంది.
Updated Date - 2021-01-14T04:21:28+05:30 IST