రామకృష్ణమఠాన్ని సందర్శించిన ఎమ్మెల్సీ కల్వకుంట్ల కవిత
ABN, First Publish Date - 2021-02-05T04:03:13+05:30
హైదరాబాద్: స్వామి వివేకానంద 159వ జయంతి వేడుకల సందర్భంగా ఎమ్మెల్సీ కల్వకుంట్ల కవిత భాగ్యనగరంలోని రామకృష్ణమఠాన్ని సందర్శించారు.
హైదరాబాద్: స్వామి వివేకానంద 159వ జయంతి వేడుకల సందర్భంగా ఎమ్మెల్సీ కల్వకుంట్ల కవిత భాగ్యనగరంలోని రామకృష్ణమఠాన్ని సందర్శించారు. రామకృష్ణ మఠం మందిరంలో రామకృష్ణ పరమహంస, శారదామాత, స్వామి వివేకానంద చిత్రపటాలకు నమస్కరించుకున్నారు. హైదరాబాద్ రామకృష్ణ మఠం అధ్యక్షుడు స్వామి జ్ఞానదానంద ఆశీస్సులు తీసుకున్నారు. అనంతరం వివేకానంద ఇన్‌స్టిట్యూట్ ఆఫ్ లాంగ్వేజెస్ డైరక్టర్ స్వామి శితికంఠానంద తోడురాగా ఆమె మఠంలోని వివిధ విభాగాలను సందర్శించారు. ఆ తర్వాత మఠంలోని బుక్ స్టాల్‌కు వెళ్లి స్వామి వివేకానంద సాహిత్యం కొనుగోలు చేశారు. మరోవైపు తిథి ప్రకారం నేడు వివేకానంద జయంతి కావడంతో మఠంలో రోజంతా ప్రత్యేక కార్యక్రమాలు నిర్వహించారు.
Updated Date - 2021-02-05T04:03:13+05:30 IST