AP News: గుడివాడ పురపాలక సంఘ హెడ్‌వాటర్ వర్క్స్ వద్ద ఉద్రిక్తత
ABN, First Publish Date - 2022-11-26T12:56:46+05:30
జిల్లాలోని గుడివాడ పురపాలక సంఘ హెడ్ వాటర్ వర్క్స్ వద్ద ఉద్రిక్తత చోటు చేసుకుంది.
కృష్ణా: జిల్లాలోని గుడివాడ పురపాలక సంఘ హెడ్ వాటర్ వర్క్స్ వద్ద ఉద్రిక్తత చోటు చేసుకుంది. గండిపడిన పురపాలక సంఘ త్రాగునీటి చెరువును పరిశీలించేందుకు శనివారం జనసేన పార్టీ శ్రేణులు అక్కడకు వచ్చారు. అయితే హెడ్ వాటర్ వర్క్స్ లోపలకు జనసేన పార్టీ శ్రేణులు రాకుండా సిబ్బంది గేట్లకు తాళాలు వేశారు. తమను లోపలికి అనుమతించాలంటూ జనసేన పార్టీ నేతలు నినాదాలు చేశారు. గేట్లను తెరవకపోవడంతో హెడ్ వాటర్ వర్క్స్ ప్రధాన గేటు తాళాలు పగల కొట్టి మరి జనసేన పార్టీ నేతలు లోపలికి వెళ్లారు. త్రాగునీరు అందించే ప్రధాన చెరువుకు గండిపడి ఏడాది గడుస్తున్నా నేటి వరకు మరమ్మతులు శూన్యమని జనసేన నేతలు మండిపడ్డారు. బూతులు వద్దు గుడివాడ అభివృద్ధి చేసి చూపించాలంటూ కొడాలి నానిపై జనసేన శ్రేణులు ఆగ్రహం వ్యక్తం చేశారు.
Updated Date - 2022-11-26T12:56:47+05:30 IST