AP News: దుర్మార్గపు పాలనకు చరమగీతం పాడతాం: రామ్మోహన్ నాయుడు
ABN , First Publish Date - 2022-11-02T14:27:24+05:30 IST
శ్రీకాకుళం: ఎర్రంనాయుడు స్ఫూర్తితో దుర్మార్గపు పాలనకు చరమగీతం పాడతామని తెలుగుదేశం పార్టీ ఎంపీ రామ్మోహన్ నాయుడు అన్నారు.
శ్రీకాకుళం: ఎర్రంనాయుడు స్ఫూర్తితో దుర్మార్గపు పాలనకు చరమగీతం పాడతామని తెలుగుదేశం పార్టీ ఎంపీ రామ్మోహన్ నాయుడు అన్నారు. బుధవారం ఎర్రంనాయుడు పదో వర్థంతిని నిర్వహించారు. శ్రీకాకుళంలోని ఎర్రంనాయుడు విగ్రహానికి పూలమాలు వేసి అంజలి ఘటించారు. ఈ సందర్బంగా రామ్మోహన్ నాయుడు మీడియాతో మాట్లాడుతూ రాజకీయాల్లో స్వచ్ఛమైనటువంటి భావంతో, ప్రజలకు సేవ చేయాలనే ఆలోచనతో తన తండ్రి ఎర్రంనాయుడు నిరంతరం కృషి చేశారని కొనియాడారు. కుటుంబాన్ని కూడా పక్కనపెట్టి, ప్రజలే కుటుంబం అని భావించి, అన్ని సందర్భాల్లో ప్రజలతో నిలబడ్డారన్నారు. అటువంటి నాయకుడు లేకపోవడం తమ కుటుంబానికి, ప్రజలకు, రాష్ట్రానికి కూడా పెద్ద లోటని అన్నారు. ఎర్రంనాయుడుతో కలిసి పనిచేసిన నాయకులు ఒక మంచి నాయకుడిని కోల్పోయామని ఇప్పటికీ స్మరించుకుంటున్నారని రామ్మోహన్ నాయుడు వ్యాఖ్యానించారు.
