Mondelez India: డబ్ల్యూఈఎఫ్ అవార్డు అందుకున్న ఏపీలోని మోండెలెజ్ ఇండియా ప్లాంట్

ముంబై: ఆంధ్రప్రదేశ్‌లోని తిరుపతి జిల్లా శ్రీసిటీ(Sri City)లో ఉన్న మోండెలెజ్ ఇండియా(Mondelez India) ఫ్యాక్టరీ ప్లాంట్‌‌కు వరల్డ్ ఎకనమిక్ ఫోరం 4వ అడ్వాన్స్‌డ్ ఇండస్ట్రియల్ రివల్యూషన్ (4IR)  ‘డిజిటల్ లైట్‌హౌస్’ అవార్డు లభించింది. 2016లో స్థాపించిన ఈ ఫ్యాక్టరీ  ‘డిజిటల్ ఎక్సలెన్స్’ అవార్డు అందుకున్న దేశంలోనే తొలి ఎఫ్ఎంసీజీ (FMCG) ప్లాంట్ కావడం గమనార్హం.  

 డబ్ల్యూఈఎఫ్‌లోని స్వతంత్ర నిపుణుల ప్యానెల్ నిర్వహించిన అధ్యయనం అనంతరం మోండెలెజ్ ఇండియా(Mondelez India) ప్లాంట్‌కు ఈ అవార్డు లభించింది. ఈ ప్లాంట్ అధునాతన '4ఐఆర్' వినియోగ కేసుల శ్రేణిని అమలు చేసినట్టు ఈ ప్యానెల్ గుర్తించింది. ఫలితంగా ఖర్చు, స్థిరత్వం, ఉత్పాదకత, వృద్ధికి నికర రాబడి డెలివరీ పరంగా మెరుగుదల ఏర్పడింది. ఈ సందర్భంగా మోండెలెజ్ ఇండియా(Mondelez India) వైస్ ప్రెసిడెంట్ (సప్లయ్ చైన్) నందకుమార్ కులకర్ణి మాట్లాడుతూ.. ఈ అవార్డు తమ సంసిద్ధతకు, భవిష్యత్తులో సిద్ధంగా ఉన్న డిజిటల్ టెక్నాలజీకి నిదర్శనమని అన్నారు. ఈ సందర్భంగా శ్రీ సిటీ ఉద్యోగులకు కృతజ్ఞతలు తెలిపారు.