Chidambaram: జాతి, భాష పరిరక్షణకు స్టాలిన్‌ కృషి

- కాంగ్రెస్‌ ఎంపీ పి.చిదంబరం ప్రశంస

ప్యారీస్‌(చెన్నై), అక్టోబరు 28: తమిళ భాష, జాతి పరిరక్షణకు,, రాష్ట్రాన్ని అన్ని రంగాల్లో ముందుకు నడిపేందుకు ముఖ్యమంత్రి స్టాలిన్‌ అహర్నిశలు శ్రమిస్తున్నారని, కాంగ్రెస్‌ జాతీయనేత, ఎంపీ పి.చిదంబరం(P. Chidambaram) ప్రశంసించారు. డీఎంకే చెన్నై తూర్పు జిల్లా శాఖ ఆధ్వర్యంలో ఆ శాఖ కార్యదర్శి, మంత్రి పీకే శేఖర్‌బాబు అధ్యక్షతన వివిధ రంగాల్లో ఉత్తమ సేవలందిస్తున్న ప్రముఖులను శుక్రవారం ఉదయం ఘనంగా సత్కరించారు. ఈ సభలో చిదంబరం, తమిళ సినీ గేయరచయిత వైరముత్తు, పాత్రికేయుడు నక్కీరన్‌ గోపాల్‌, డీఎంకే ఎంపీ దయానిధి మారన్‌(DMK MP Dayanidhi Maran), ఎమ్మెల్యేలు తాయగం కవి, వెట్రి అళగన్‌, జోసెఫ్‌ శామ్యూల్‌, ఉదయనిధి స్టాలిన్‌ ప్రాంతీయ కార్యదర్శులు ఎస్‌. మురళి, రాజశేఖర్‌ తదితరులు పాల్గొన్నారు.