Diwali: హాంగ్‌కాంగ్‌లో వైభవంగా తెలుగు ఎన్నారైల దీపావళి వేడుకలు!
ABN, First Publish Date - 2022-11-08T18:22:07+05:30
హాంగ్‌కాంగ్‌లో ప్రవాస తెలుగు వారందరు ఎంతో ఆనందోత్సాహాలతో దీపావళి వెలుగులను తమ నవ్వుల జిలుగులతో వెలిగించారు.
హాంగ్‌కాంగ్‌లో ప్రవాస తెలుగు వారందరు ఎంతో ఆనందోత్సాహాలతో దీపావళి వెలుగులను తమ నవ్వుల జిలుగులతో వెలిగించారు. ది హాంగ్‌కాంగ్ తెలుగు సమాఖ్య వారు స్థానిక కోవిడ్ నియమాలను పాటిస్తూ ఘనంగా దీపావళి వేడుకలను జరుపుకున్నారు. ఇండియా క్లబ్‌లో నవంబర్ 6న జరిగిన సాంస్కృతిక కార్యక్రమంలో మన తెలుగు సంస్కృతిని ప్రదర్శిస్తూ, పిల్లలు - పెద్దలు తమ నాట్య గానాలతో అందరినీ అలరించారు. ముఖ్య అతిథులుగా విచ్చేసిన ప్రముఖ సమాజ సేవకురాలు షీలా సమతాని, మిస్ కోని వాంగ్, NAAC (The Neighbourhood Advice Action Council) - అల్పసంఖ్యాక వర్గాలకున్న మద్దతు సేవా కేంద్రానికి అధ్యక్షురాలిగా, హాంగ్‌కాంగ్‌లో నివసిస్తున్న అల్పసంఖ్యాక వర్గాలకు తమ సంస్థల ద్వారా అనేక సేవలను అందజేస్తున్నారు. ముఖ్య అతిథులిద్దరు తెలుగు వారి సంప్రదాయాలు, వేడుకలు, సేవా భావం ఎందరికో స్ఫూర్తి అని ప్రశంసించారు. ది హాంగ్‌కాంగ్ తెలుగు సమాఖ్య వ్యవస్థాపక అధ్యక్షురాలు జయ పీసపాటి కార్యక్రమ వివరాలను తెలియజేస్తూ, తాము ప్రస్తుతం హైదరాబాద్‌లో వున్నా, తమ కార్యవర్గ సభ్యులు రమాదేవి సారంగా, రాధిక విశ్వనాథ్, కొండ మాధురి, హర్షిణి పచ్చoటి, రాజశేఖర్ మన్నే, వేమూరి విశ్వనాథ్, హరీన్ తుమ్మల, గరదాస్ గ్యానేశ్వర్ తదితరులు ఎంతో నేర్పుగా దీపావళి వేడుకల్ని ఘనంగా నిర్వహించారని ప్రశంసించారు.
Updated Date - 2022-11-08T18:29:17+05:30 IST