అతను రాజస్థాన్‌లోని బార్మర్‌కు చెందిన వ్యాపారవేత్త.. కొన్ని రోజులుగా పంటినొప్పితో బాధపడుతున్నాడు.. దీంతో డెంటిస్ట్ దగ్గరకు వెళ్లాడు.. హాస్పిటల్ రిసెప్షన్‌లో కూర్చుని పేపర్ చదువుతున్నాడు.. అంతలో హఠాత్తుగా కుప్పకూలిపోయాడు.. కుర్చీలో నుంచి కింద పడిపోయి మరణించాడు.. మొత్తం అంతా ఒక్క నిమిషంలో జరిగిపోయింది.. ఈ ఘటన మొత్తం అక్కడ అమర్చిన సీసీటీవీ కెమేరాలో రికార్డు అయింది.

బార్మర్‌కు చెందిన 61 ఏళ్ల దిలీప్ కుమార్ సూరత్‌లో బట్టల వ్యాపారం చేస్తున్నాడు. ఈ నెల నాలుగో తేదీన బార్మర్ వచ్చాడు. చాలా రోజులుగా దంత సమస్యతో బాధపడుతుండడంతో శనివారం ఉదయం డెంటిస్ట్‌ను కలిసేందుకు నయాపురా మొహల్లా క్లినిక్‌కి వెళ్లాడు. బయట వెయిటింగ్ రూంలో కూర్చుని న్యూస్ పేపర్ చదువుతున్నాడు. ఆ తర్వాత ఒక్కసారిగా ఆరోగ్యం క్షీణించడంతో కుప్పకూలిపోయాడు. గుండెపోటు వచ్చినట్టు గుర్తించిన క్లినిక్ సిబ్బంది దిలీప్‌ను హాస్పిటల్‌కు తరలించారు. అయితే అప్పటికే అతను మరణించాడు.