Shocking Video: ఆలయానికి దేవుడి దర్శనం కోసం వచ్చి, అందరూ చూస్తుండగానే.. షాకవుతున్న నెటిజన్లు
ABN, First Publish Date - 2022-12-04T17:44:33+05:30
ఇటీవలి కాలంలో గుండె సంబంధిత వ్యాధులతో హఠాత్తుగా ప్రాణాలు కోల్పోతున్న వారి జాబితా పెరుగుతోంది. సెలబ్రిటీల నుంచి సామాన్యుల వరకు గుండెపోటుకు గురై అకస్మాత్తుగా ప్రాణాలు కోల్పోతున్నారు. తాజాగా మధ్యప్రదేశ్‌కు చెందిన ఓ వ్యక్తి ఆలయానికి వెళ్లి దేవుడికి దండం పెట్టుకుంటూ గుండెపోటుకు గురై ప్రాణాలు విడిచాడు.
ఇటీవలి కాలంలో గుండె సంబంధిత వ్యాధులతో హఠాత్తుగా ప్రాణాలు కోల్పోతున్న వారి జాబితా పెరుగుతోంది. సెలబ్రిటీల నుంచి సామాన్యుల వరకు గుండెపోటుకు గురై అకస్మాత్తుగా ప్రాణాలు కోల్పోతున్నారు. తాజాగా మధ్యప్రదేశ్‌కు (Madhya Pradesh) చెందిన ఓ వ్యక్తి ఆలయానికి వెళ్లి దేవుడికి దండం పెట్టుకుంటూ గుండెపోటుకు (Man Dies Of Heart Attack in Temple) గురై ప్రాణాలు విడిచాడు. ఆ షాకింగ్ ఘటనకు సంబంధించిన వీడియో సోషల్ మీడియాలో వైరల్‌గా మారింది.
మధ్యప్రదేశ్‌లోని కట్నీ జిల్లాకు చెందిన ఓ భక్తుడు సాయిబాబా ఆలయానికి వెళ్లాడు. ఆలయంలోని దేవుడి చుట్టూ ప్రదక్షణలు చేసిన తర్వాత సాయి బాబా పాదాలకు నమస్కరించాడు. తర్వాత పాదాల వద్ద తల పెట్టి కళ్లు మూసుకున్నాడు. ఆ తర్వాత ఎంత సేపటికీ అతను అక్కడి నుంచి కదలలేదు. అక్కడే ఉన్న కొందరు మహిళలకు అనుమానం వచ్చి ఈ విషయాన్ని అక్కడున్న వారికి తెలియ జేశారు. ఓ వ్యక్తి అతని వద్దకు వెళ్లి కదిలించే ప్రయత్నం చేశాడు. కానీ అతనిలో కదలిక లేకపోవడంతో మరణించినట్లు నిర్ధారించారు. అనంతరం అతణ్ని ఆలయం నుంచి బయటకు తీసుకెళ్లారు. ఇదంతా అక్కడే ఏర్పాటు చేసిన సీసీటీవీ కెమెరాలో రికార్డ్‌ అయ్యింది. ప్రస్తుతం ఈ వీడియో సోషల్ మీడియాలో వైరల్‌ (Viral Video) అవుతోంది. చూడడానికి యువకుడిలా ఉన్న ఆ వ్యక్తి గుండెపోటుతో మరణించడం చాలా మందికి షాక్ కలిగిస్తోంది.
Updated Date - 2022-12-04T17:44:35+05:30 IST