Bandi Sanjay: కేసీఆర్...మీ సంగతి చూస్తాం
ABN, First Publish Date - 2022-12-08T13:50:25+05:30
మోటార్లకు మీటర్లు పెడితే తానే బాధ్యత వహిస్తానని బీజేపీ రాష్ట్ర అధ్యక్షులు బండి సంజయ్ అన్నారు.
జగిత్యాల: మోటార్లకు మీటర్లు పెడితే తానే బాధ్యత వహిస్తానని బీజేపీ రాష్ట్ర అధ్యక్షులు బండి సంజయ్ (BJP State president Bandi Sanjay) అన్నారు. గురువారం మీడియాతో మాట్లాడుతూ..‘‘కేసీఆర్... మీ కుటుంబ అవినీతికే మీటర్లు పెట్టినం.. మీ సంగతి చూస్తాం’’ అని హెచ్చరించారు. వ్యవసాయానికి 24 గంటల కరెంట్ ఇస్తున్నట్లు నిరూపిస్తే రాజకీయ సన్యాసం తీసుకుంటానని... లేకపోతే రాజకీయ సన్యాసం తీసుకునేందుకు కేసీఆర్ సిద్ధమా? (Bandi Sanjay challenge to Telangana CM KCR) అంటూ సవాల్ విసిరారు. చైనా బజార్లలో చైనా సరుకులున్నాయనడం పెద్ద జోక్ అని యెద్దేవా చేశారు. ముత్యంపేట షుగర్ ఫ్యాక్టరీ తెరవకపోతే ఉరేసుకుంటానన్న ఎమ్మెల్యే ఎటుపోయిండని ప్రశ్నించారు. కేంద్రాన్ని ఒప్పించి రూ.250 కోట్లతో షుగర్ ఫ్యాక్టరీని తెరిపిస్తామని భరోసా ఇచ్చారు. ఎములాడ రాజన్న, బాసర సరస్వతి ఆలయాలకు వందల కోట్ల మంజూరు హామీ ఏమైందని నిలదీశారు. మళ్లీ కొండగట్టు అంజన్న పేరుతో కేసీఆర్ దేవుళ్లకే శఠగొపం పెడతున్నారని బండి సంజయ్ తీవ్రస్థాయిలో విరుచుకుపడ్డారు.
Updated Date - 2022-12-08T13:50:26+05:30 IST