BJP: గుమ్మడి కాయ దొంగ తరహాగా అవినాష్ రెడ్డి తీరు
ABN, First Publish Date - 2023-05-19T14:37:35+05:30
వైసీపీ ఎంపీ అవినాశ్ రెడ్డి సీబీఐ విచారణకు సంబంధించిన కవరేజ్‌కు వెళ్లిన ఏబీఎన్ - ఆంధ్రజ్యోతి ప్రతినిధులపై అవినాశ్ అనుచరుల దాడిని బీజేపీ నేతలు తీవ్రంగా ఖండించారు.
అమరావతి: వైసీపీ ఎంపీ అవినాశ్ రెడ్డి (YCP MP Avinash Reddy)సీబీఐ విచారణకు సంబంధించిన కవరేజ్‌కు వెళ్లిన ఏబీఎన్ - ఆంధ్రజ్యోతి (ABN - Andhrajyothy) ప్రతినిధులపై అవినాశ్ అనుచరుల దాడిని బీజేపీ నేతలు తీవ్రంగా ఖండించారు. బీజేపీ ఏపీ అధ్యక్షులు సోము వీర్రాజు (AP BJP Chief Somuveerraju) మీడియాతో మాట్లాడుతూ.. హైదరాబాద్‌లో మీడియా ప్రతినిధులపై చేసిన దాడిని బీజేపీ ఖండిస్తోందన్నారు. అవినాశ్ రెడ్డి అనుచరుల దాష్టీకాన్ని అందరూ అడ్డుకోవాలని అన్నారు. వైసీపీ ప్రభుత్వం పెద్దలు ఛానల్ ప్రతినిధులకు క్షమాపణ చెప్పించాలని డిమాండ్ చేశారు. వార్తలు రాస్తే దాడులు చేయించడం సమంజసం కాదని అన్నారు.
దగ్గుబాటి పురంధరేశ్వరి (Daggubati Purandeshwari) మాట్లాడుతూ.. మీడియాపై దాడిని తాము ఖండిస్తున్నామన్నారు. ప్రెస్టేషన్‌లో ఉన్న అవినాష్ రెడ్డి దాడులు చేయించడం దుర్మార్గమని మండిపడ్డారు. గుమ్మడి కాయ దొంగ తరహాగా అవినాష్ రెడ్డి తీరు ఉందని వ్యాఖ్యలు చేశారు.
Updated Date - 2023-05-19T14:37:35+05:30 IST