Prathipati Pullarao: త్వరలోనే కొడాలి నాని నాలుకకు వాతలు పెడతాం
ABN, First Publish Date - 2023-10-26T11:47:58+05:30
గుట్కా, మట్కా, క్యాసినో బ్యాచ్‌లకు ఏం తెలుసు చంద్రబాబు గొప్పతనం అంటూ మాజీ మంత్రి ప్రత్తిపాటి పుల్లారావు విమర్శలు గుప్పించారు.
పల్నాడు: గుట్కా, మట్కా, క్యాసినో బ్యాచ్‌లకు ఏం తెలుసు చంద్రబాబు గొప్పతనం అంటూ మాజీ మంత్రి ప్రత్తిపాటి పుల్లారావు (Former Minister Prathipati Pullarao) విమర్శలు గుప్పించారు. గురువారం మీడియాతో మాట్లాడుతూ.. జగన్‌ మెచ్చుకోలు, పదవుల కోసం కొడాలి ఇష్టానుసారం వాగుతున్నారని మండిపడ్డారు. మతిభ్రమించిన కొడాలి నానిని పిచ్చాస్పత్రికి తరలించాలన్నారు. ఎందరో మహానుభావులు పుట్టిన గుడివాడ గడ్డపై చెడబుట్టారంటూ వ్యాఖ్యలు చేశారు. వినాశకాలే విపరీత బుద్ధి అన్నట్లు కొడాలి మాట్లాడుతున్నారన్నారు. కొడాలి నాని బూతు పురాణం వెనుక తాడేపల్లి ప్యాలెస్ ఉందని ఆరోపించారు. చంద్రబాబు కుటుంబంపై పిచ్చి ప్రేలాపనలు పేలితే సహించేది లేదని.. త్వరలోనే కొడాలి నాని నాలుకకు వాతలు పెడతామని హెచ్చరించారు. అసెంబ్లీలో భువనేశ్వరమ్మపై చేసిన వ్యాఖ్యలను ఎవరూ మరిచిపోలేదని ప్రత్తిపాటి పుల్లారావు పేర్కొన్నారు.
Updated Date - 2023-10-26T11:47:58+05:30 IST