AP News: అర్ధరాత్రి వైసీపీ నేతల వీరంగం
ABN , First Publish Date - 2023-09-02T11:36:47+05:30 IST
జిల్లాలోని ముప్పాళ్ళ పోలీసు స్టేషన్‌లో అర్ధరాత్రి వైసీపీ నేతలు వీరంగం సృష్టించారు.
పల్నాడు: జిల్లాలోని ముప్పాళ్ళ పోలీసు స్టేషన్‌లో అర్ధరాత్రి వైసీపీ నేతలు వీరంగం సృష్టించారు. గత రాత్రి మద్యం మత్తులో వైసీపీ నేత వెంకటరామిరెడ్డి కారును కొందరు యువకులు ఢీకొట్టారు. అంతే కాకుండా మద్యం మత్తులో వైసీపీ నేత కారుపై యువకుడు దాడి చేశారు. ఈ ఘటనపై వైసీపీ నేత ఫిర్యాదుతో యువకులను పోలీసులు అదుపులోకి తీసుకున్నారు. అయితే యువకులను తమకు అప్పగించలంటూ వైసీపీ నేత అనుచరులు అర్ధరాత్రి స్టేషన్ చేరుకున్నారు. అయితే వారిని పోలీసులు అడ్డుకున్నారు. వైసీపీ నేత అనుచరులను స్టేషన్ నుంచి బయటకి పంపే క్రమంలో ఎస్సైపై వైసీపీ నేత అనుచురులు దాడి చేశారు. ఈ దాడిలో ఎస్త్సై కిషోర్ చేతికి గాయాలయ్యాయి. వైసీపీ నేతల దాడిలో పోలీస్‌స్టేషన్ వద్ద ఉద్రిక్తత చోటు చేసుకుంది.
