Kodali Nani Vs MP Balasouri: గుడివాడ వైసీపీలో రచ్చకెక్కిన విభేదాలు..

కృష్ణా జిల్లా: గుడివాడ వైసీపీలో (YCP) విభేదాలు రచ్చకెక్కాయి. ఎంపీ బాలశౌరి వర్గీయులు, ఎమ్మెల్యే కొడాలి నాని (Kodali Nani) వర్గీయుల బాహాబాహీకి దిగారు. స్థానిక ఎమ్మెల్యే లేకుండా ఎంపీ గుడివాడలో నూతన పెన్షన్ల పంపిణీ కార్యక్రమాన్ని చేపట్టారు. ఈ కార్యక్రమంలో పాల్గొనేందుకు నాని వర్గీయులు వెళ్లడంతో ఎంపీ వర్గీయులు వాగ్వాదానికి దిగారు.

దీంతో ఇరువర్గాల వారు దాడి చేసుకున్నారు. వైసీపీ కృష్ణా జిల్లా ఉపాధ్యక్షుడు మండలి హనుమంతరావు, ప్రైవేట్ బస్ యజమాని సుధాకర్‌కు మధ్య వాగ్వాదం చోటు చేసుకుంది. సుధాకర్ కారుపై మండలి హనుమంతరావు దాడి చేసి అద్దాలు ద్వంసం చేశాడు. వెంటనే స్పందించిన పోలీసులు కారును స్టేషన్‌కు తరలించారు. ఈ ఘటనపై పోలీసులు ఆరా తీస్తున్నారు.