AP Minister: కుప్పంలో అయినా, నగరిలో అయినా చూసుకుందాం.. చంద్రబాబుపై రోజా ఫైర్

అమరావతి: ప్రతి ఇంటికి జగన్ స్టిక్కర్ చూస్తే టీడీపీ అధినేత చంద్రబాబు నాయుడు (TDP Chief Chandrababu naidu) గుండెల్లో గుబులు పుడుతుందని మంత్రి రోజా (Minister Roja) వ్యాఖ్యలు చేశారు. శనివారం మీడియాతో మాట్లాడుతూ... టీడీపీ (TDP), జనసేన (Janasena) వాళ్ళు దొంగతనంగా వాళ్ళ స్టిక్కర్లు వేస్తున్నారని మండిపడ్డారు. పది ఇళ్లకు స్టిక్కర్లు వేసుకున్నంత మాత్రాన ప్రజా మద్దతు రాదన్నారు. ‘‘చంద్రబాబు తీసుకుంటుంది సెల్ఫీ కాదు... సెల్ఫ్ గోల్ వేసుకుంటున్నారు. చంద్రబాబు కుప్పంలో అయినా, నగరిలో అయినా చూసుకుందాం.. టీడీపీ మేనిఫెస్టో, వైసీపీ మేనిఫెస్టో చూద్దామని... అప్పుడు సెల్ఫీ నీతో తీసుకుంటారా.... నాతో తీసుకుంటారా చూద్దాం’’ అంటూ సవాల్ విసిరారు. చంద్రబాబు రాజకీయం అంతా వెన్నుపోటుతో నడిచిందని... ప్రజా మద్దతుతో కాదన్నారు. 2014 జగనన్న వన్స్ మోర్ అని అన్నారు. రాష్ట్రానికి పట్టిన క్యాన్సర్ గడ్డ చంద్రబాబు అంటూ వ్యాఖ్యలు చేశారు. రాష్ట్రానికి ప్రత్యేక హోదా వద్దు, ప్యాకేజ్ చాలు అన్న క్యాన్సర్ గడ్డ చంద్రబాబు అని మండిపడ్డారు. రైతులు ఆత్మహత్యలకు కారణం టీడీపీ అధినేత అని ఆరోపించారు. ఇంటికో ఉద్యోగం అంటూ మోసం చేసిన క్యాన్సర్ గడ్డ చంద్రబాబు అంటూ రోజా తీవ్రస్థాయిలో విరుచుకుపడ్డారు.