Minister Roja: ‘వాతావరణాన్ని మీడియానే హాట్ హాట్ చేసేస్తోంది’
ABN, First Publish Date - 2023-04-03T11:50:45+05:30
ఏపీ కేబినెట్‌‌లో మార్పులపై మంత్రులు వరుసగా స్పందిస్తున్నారు.
అమరావతి: ఏపీ కేబినెట్‌ (AP Cabinet)లో మార్పులపై మంత్రులు వరుసగా స్పందిస్తున్నారు. మంత్రి వర్గంలో మార్పులు చేర్పులు అనే సమాచారం తన వద్ద లేదని మంత్రి అంబటి రాంబాబు (Minister Ambati Rambabu) తెలుపగా.. మంత్రి వర్గంలో మార్పు ఉంటుంది అనుకోవడం లేదని మరో మంత్రి రోజా (Minister Rk Roja) చెప్పుకొచ్చారు. ఈరోజు తాడేపల్లి క్యాంప్‌ కార్యాలయంలో గడపగడపకు మన ప్రభుత్వంపై ముఖ్యమంత్రి జగన్ మోహన్ రెడ్డి (AP CM Jaganmohan Reddy) సమీక్ష సమావేశం నిర్వహించనున్నారు. ఈ సందర్భంగా మంత్రి రోజా మాట్లాడుతూ.. గడప గడపకు మన ప్రభుత్వంపై మాత్రమే నేటి సమావేశంలో చర్చ ఉంటుందని స్పష్టం చేశారు. వాతావరణాన్ని మీడియానే హాట్ హాట్ చేసేస్తోందని అన్నారు. ఎమ్మెల్సీ ఎన్నికల కోడ్ (MLC Election Code), తరువాత అసెంబ్లీ సమావేశాల (AP Assembly_)తో గడపగడపకు కాస్తా గ్యాప్ వచ్చిందని.. దీంతో ఇదే అంశంపై మరోసారి చర్చించుకుంటామని తెలిపారు. మంత్రి వర్గంలో మార్పు ఉంటుంది అనుకోవడం లేదన్నారు. ఇచ్చి కూడా సంవత్సరం కూడా కాలేదు... ఇంకా కుదురుకోలేదని అన్నారు. ఇప్పుడే ఛేంజస్ ఉంటాయి అనుకోవడం లేదని తేల్చిచెప్పారు. రాష్ట్రంలో మంత్రులు అందరూ భాగానే పనిచేస్తున్నారని మంత్రి రోజా పేర్కొన్నారు.
Updated Date - 2023-04-03T11:50:45+05:30 IST