AP News: ద్వారకా తిరుమలలో కాపునాడు ప్రతినిధుల సమావేశం
ABN , First Publish Date - 2023-11-11T09:21:00+05:30 IST
Andhrapradesh: ద్వారకాతిరుమలలో ఉమ్మడి గోదావరి జిల్లా కాపునాడు పట్టణ, మండల ప్రతినిధులు శనివారం ఉదయం సమావేశమయ్యారు.
ఏలూరు: ద్వారకాతిరుమలలో ఉమ్మడి గోదావరి జిల్లా కాపునాడు పట్టణ, మండల ప్రతినిధులు శనివారం ఉదయం సమావేశమయ్యారు. పార్టీలకతీతంగా కాపు నేతలు ఈ సమావేశానికి హాజరయ్యారు. కాపుల భవిష్యత్తు కోసం పార్టీలకతీతంగా కృషి చేయాలని సభ్యులు సూచించారు. గతంలో ఎన్నికల ముందు కాపు రిజర్వేషన్లపై హామీలు ఇచ్చి ఎన్నికల తర్వాత వాటిని మరిచారనీ వెల్లడించారు. కాపుల అభ్యున్నతకై పాటుపడే పార్టీకే మద్దతు తెలపాలని సమావేశంలో పలువురిు సూచనలు చేశారు. కాపు, తెలగ, బలిజ, ఒంటరి కులాల ప్రయోజనాలు ఏ రాజకీయ పార్టీ చేస్తుందో వారికే తమ మద్దతని కాపు జేఏసీ నిర్ధారించింది.
