Dwaraka Tirumala : మోహిని అలంకరణలో భక్తులకు దర్శనమిస్తున్న చిన వెంకన్న
ABN, First Publish Date - 2023-10-26T10:08:23+05:30
నేడు ద్వారకా తిరుమల చిన వెంకన్న కళ్యాణం జరగనుంది. మోహిని అలంకరణలో చిన వెంకన్న భక్తులకు దర్శనమిస్తున్నారు. ఉదయం సూర్యప్రభ వాహనంపై స్వామి వారి గ్రామోత్సవం జరగనుంది.
ఏలూరు : నేడు ద్వారకా తిరుమల చిన వెంకన్న కళ్యాణం జరగనుంది. మోహిని అలంకరణలో చిన వెంకన్న భక్తులకు దర్శనమిస్తున్నారు. ఉదయం సూర్యప్రభ వాహనంపై స్వామి వారి గ్రామోత్సవం జరగనుంది. సాయంత్రం 5 గంటలకు ఎదుర్కోలు ఉత్సవం నిర్వహించనున్నారు. రాత్రి 8 గంటలకు స్వామి వారి తిరుకళ్యాణ మహోత్సవం జరగనుంది.
కాగా.. నిన్నటి నుంచి ద్వారకా తిరుమల చిన వెంకన్న ఆశ్వయుజ మాస బ్రహ్మోత్సవాలు ప్రారంభమయ్యాయి. ఈ నెల 29 వరకూ బ్రహ్మోత్సవాలు జరగనున్నాయి. 26న స్వామి వారి తిరు కళ్యాణ మహోత్సవం, 27న రథోత్సవం, 28న మధ్యాహ్నం ఆలయం చంద్రగ్రహణం కారణంగా ఆలయాన్ని అధికారులు మూసివేయనున్నారు. 29న ఉదయం ఆలయం తెరిచి శుద్ధి, రాత్రి ద్వాదశ కోవెల ప్రదక్షిణలు, పవళింపు సేవతో బ్రహ్మోత్సవాల ముగింపు కార్యక్రమం జరగనుంది. ఉత్సవాల సమయంలో ఆలయంలో స్వామి వారికి జరిగే నిత్యార్జిత కళ్యాణాలు, ఆర్జిత సేవలు రద్దు కానున్నాయి.
Updated Date - 2023-10-26T10:08:23+05:30 IST