Mask: థియేటర్లలో మాస్కు తప్పనిసరి

ఐసిఎఫ్‌(చెన్నై): సినిమా థియేటర్ల(Movie theaters)లో ప్రేక్షకులు తప్పనిసరిగా మాస్కు ధరించాలని ఆరోగ్యశాఖ ఉత్తర్వులు జారీ చేసింది. కరోనా వ్యాప్తి పెరుగుతున్న నేపథ్యంలో రాష్ట్రంలోని ఆసుపత్రులకు వచ్చేవారు తప్పనిసరిగా మాస్కు ధరించాలని ఇటీవల ఆదేశాలు జారీ అయిన విషయం తెలిసిందే. ఈ విషయమై ఆరోగ్యశాఖ డైరెక్టర్‌ సెల్వ వినాయగం మాట్లాడుతూ... రాష్ట్రంలో కరోనా ప్రభావం తక్కువగానే ఉందని, అయినప్పటికీ ముందుజాగ్రత్తగా మాస్కులు ధరించడాన్ని ప్రోత్సహిస్తున్నామని తెలిపారు. ఈ క్రమంలో ఆసుపత్రులతో పాటు ఏసీ సదుపాయం వున్న సినీ థియేటర్లు, ఆడిటోరియంలలో కూడా మాస్కులు ధరించాలని స్పష్టం చేశారు.