Flynas: సౌదీ ఎయిర్ లైన్ అదిపోయే ఆఫర్.. టికెట్ వెలను వాయిదాలలో చెల్లించే వెసులుబాటు!
ABN, First Publish Date - 2023-08-18T12:10:55+05:30
విమాన ప్రయాణం రోజురోజుకీ మరింత భారంగా మారుతున్న విషయం తెలిసిందే. అందుకే అప్పుడప్పుడు విమానయాన సంస్థలు ప్రకటించే ఆఫర్లకు విపరీతమైన డిమాండ్ ఉంటుంది.
రియాద్: విమాన ప్రయాణం రోజురోజుకీ మరింత భారంగా మారుతున్న విషయం తెలిసిందే. అందుకే అప్పుడప్పుడు విమానయాన సంస్థలు ప్రకటించే ఆఫర్లకు విపరీతమైన డిమాండ్ ఉంటుంది. ఇలా పలు విమానయాన సంస్థలు కొన్ని ప్రత్యేక సందర్భాలలో ఆఫర్ల పేరిట ప్రయాణికులకు కాస్తా ఉపశమనం కలిగిస్తుంటాయి. ఇదిగో ఇదే కోవలో తాజాగా సౌదీ అరేబియాకు చెందిన ఎయిర్ క్యారియర్ ఫ్లైనాస్ (Flynas) ఓ సూపర్ ఆఫర్‌లో ముందుకు వచ్చింది. అదేంటంటే విమాన టికెట్ తాలూకు పేమెంట్స్‌కు ఈఎంఐ విధానంలో చెల్లించే వెసులుబాటు కల్పించింది. 'ఇప్పుడు ప్రయాణించి.. తర్వాత చెల్లించండి' అంటూ ఓ ప్రత్యేక ఆఫర్‌ను తీసుకొచ్చింది. దీనికోసం షాపింగ్, ఇతర ఆర్థిక సేవల కోసం ఉపయోగించే టాబీ యాప్‌తో ఒప్పందం చేసుకుంది. వరల్డ్‌వైడ్‌గా ప్రయాణ డిమాండ్ పెరగడంతో ఈ సరికొత్త కార్యక్రమానికి శ్రీకారం చుట్టినట్లు సంస్థ యాజమాన్యం చెప్పుకొచ్చింది. మొత్తం టికెట్ వెలను నాలుగు వాయిదాలలో చెల్లించవచ్చని తెలిపింది.
51 విమానాలు కలిగిన ఫ్లైనాస్ సౌదీ, దుబాయితో పాటు ప్రపంచవ్యాప్తంగా 70 కంటే ఎక్కువ గమ్యస్థానాలకు సర్వీసులు నడిపిస్తోంది. ఇక జూలైలో స్కైట్రాక్స్ ఇంటర్నేషనల్ అవార్డ్స్‌ (Skytrax International Awards) లో వరుసగా ఆరోసారి వరల్డ్‌లోని నాల్గవ అత్యుత్తమ తక్కువ ధర కలిగిన ఎయిర్‌లైన్ సంస్థగా నిలిచింది. అలాగే మధ్యప్రాచ్యం (Middle East) లో ది బెస్ట్ లొకాస్ట్ క్యారియర్‌గాను పేరుపొందింది. కాగా, ఈ విమాన సర్వీసుల టికెట్లను కొనుగోలు చేసేందుకు ప్రయాణికులు విమానయాన సంస్థ అధికారిక వెబ్‌సైట్, యాప్, 24/7 కాల్ సెంటర్ (920001234), ట్రావెల్ ఏజెంట్ల ద్వారా బుక్ చేసుకునే వెసులుబాటు ఉంది.
Yusuff Ali: 52 ఏళ్ల తర్వాత క్లాస్‌మేట్స్‌ను కలిసిన లులూ గ్రూప్ అధినేత.. తాను చదివిన స్కూల్‌కు భారీ డొనేషన్!
Updated Date - 2023-08-18T12:10:55+05:30 IST