Marriage: పెళ్లయిన కొద్ది గంటలకే ఇలా జరిగిందేంటి..? కాసేపట్లో వరుడితో కలిసి వధువు అత్తారింట్లో అడుగు పెడుతుందనగా..!

రాజస్థాన్‌ (Rajasthan)లోని నగౌర్ జిల్లాలో దారుణం జరిగింది. వివాహ (Marriage) వేడుక తర్వాత విషాదం నెలకొంది. ఆదివారం రాత్రి అంగరంగ వైభవంగా వివాహం జరిగింది. ఇద్దరు ఫొటోగ్రాఫర్లు (Photographers) వివాహ వేడుక మొత్తాన్ని తమ కెమేరాలతో కవర్ చేశారు. వధూవరులను వివిధ భంగిమల్లో ఫొటోలు తీశారు. వివాహం అనంతరం వధూవరులు అత్తింటికి బయల్దేరారు. వధువు అత్తింట్లో అడుగు పెట్టే ఘట్టాన్ని కెమేరాలో బంధించాలని ఆ ఫొటోగ్రాఫర్లు అనుకున్నారు. వధూవరుల కంటే ముందే ఇంటికి బయల్దేరారు. ఆ సమయంలో ఘోర ప్రమాదం జరిగింది (Crime News).

నాగౌర్ జిల్లాలోని రియామండికి చెందిన కైలాష్ చంద్ర, అతని స్నేహితుడు ఫిరోజ్ మహ్మద్ ఫోటోగ్రఫీ పని చేసేవారు. వివాహాల్లో ఫొటోలు, వీడియోలు తీసేవారు. ఆదివారం రాత్రి పెళ్లిలో ఫొటోలు తీశారు. వివాహం తర్వాత వధూవరులు ఇంటికి బయల్దేరారు. అత్తింట్లో వధువు అడుగు పెట్టే ఘట్టాన్ని కెమేరాలో బంధించాలని భావించారు. వారి కంటే ముందే ఇంటికి చేరుకునేందుకు బైక్ ఎక్కారు. అయితే మార్గమధ్యంలో వారి బైక్‌ను ఓ ట్రక్కు ఢీకొట్టింది. ఆ ప్రమాదం (Road Accident)లో ఇద్దరి శరీరాలు నుజ్జునుజ్జయ్యాయి. ఇద్దరూ స్పాట్‌లోనే మరణించారు.

Marriage: ఒకే మండపంలో ఇద్దరు వధువులు.. పెళ్లి కొడుకు మాత్రం ఒక్కడే.. ఈ ప్రేమ పెళ్లికి బంధువులంతా సాక్షులే..!

ఫిరోజ్ మీద అతడి తల్లిదండ్రులు, భార్యా పిల్లలు ఆధారపడి ఉన్నారు. ఫిరోజ్ చనిపోయాడనే వార్త విని ఆ కుటుంబం విషాదంలో మునిగిపోయింది. కైలాష్‌కు నాలుగు నెలల క్రితమే పెళ్లి జరిగింది. ఇంతలోనే కైలాష్ మరణ వార్త కుటుంబాన్ని కలిచి వేసింది. కేసు నమోదు చేసుకున్న పోలీసులు విచారణ ప్రారంభించారు. ఫొటోగ్రాఫర్ల మరణ వార్త విని వధూవరులు, వారి కుటుంబ సభ్యులు కూడా నివ్వెరపోయారు.