Cinema Lover’s Day: మల్టీప్లెక్స్‌లో 99లకే సినిమా చూసే అవకాశం..!?
ABN, First Publish Date - 2023-01-18T09:06:44+05:30
మీరు మూవీస్ చూడడం అంటే చాలా ఇష్టమా? తక్కువ ధరకే సినిమా చూడాలని అనుకుంటున్నారా?
మీరు మూవీస్ చూడడం అంటే చాలా ఇష్టమా? తక్కువ ధరకే సినిమా చూడాలని అనుకుంటున్నారా? అది కూడా మల్టీఫ్లెక్స్‌ (Multiplex)లో. అయితే ఈ అవకాశం మీకోసమే. కేవలం వంద రూపాయల్లో సినిమా చూసే అద్భుత ఆఫర్‌ని పీవీఆర్ సినిమాస్ (PVR Cinemas) అందుబాటులోకి తీసుకొచ్చింది.
ఈనెల 20న సినిమా ప్రేమికుల దినోత్సవం (Cinema Lover’s Day) సందర్భంగా ఈ ఆఫర్ ప్రకటించింది. ఆ ఒక్క రోజు మాత్రం పీవీఆర్ సినిమాస్‌లో అన్ని షోలను రూ.99 కే చూడవచ్చని ప్రకటించింది. అయితే ఈ టికెట్లకు జీఎస్టీ అదనంగా ఉంటుంది. కేవలం ఎంపిక చేసిన నగరాల్లో ఈ బంపర్ ఆఫర్ వర్తించనుంది. అయితే చండీగఢ్‌, పఠాన్‌కోట్‌, పుదుచ్చేరి నగరాల్లో ఉన్న ఈ ఆఫర్ పని చేయదు.
ఆంధ్రప్రదేశ్, కేరళ, తమిళనాడు, కర్ణాటకలో టిక్కెట్‌ ధర రూ.100+ జీఎస్‌టీతో కలిపి ఉండనుంది. తెలంగాణలో మాత్రం రూ.112+ జీఎస్‌టీతో టిక్కెట్లు రేట్లు ఉండనున్నాయి. అయితే రిక్లైనర్, ఐమాక్స్, 4డీఎక్స్ వంటి ప్రీమియం కేటగిరీ సీట్స్‌‌కి ఈ ఆఫర్ వర్తించదని యాజమాన్యం తెలిపింది. అలాగే జనవరి 20న మాత్రమే ఈ ఆఫర్ పని చేస్తుందని పీవీఆర్ సినిమాస్ వెల్లడించింది.
Updated Date - 2023-01-18T09:06:57+05:30 IST