Viral Video: అమ్మ బాబోయ్.. ఈ మహిళకు ఎంత ధైర్యం.. కారు ఇంజిన్‌లో దూరిన పామును ఒంటి చేత్తో ఎలా పట్టేసిందో మీరే చూడండి..!
ABN, First Publish Date - 2023-04-14T14:45:48+05:30
సాధారణంగా పాములంటే (Snakes) చాలా మంది భయపడతారు. పాము ఉందంటే అటువైపు వెళ్లడానికి కూడా భయపడతారు. పామును పట్టడం అనేది సాధారణ ప్రజలకు ఓ భయంకర అనుభవం.
సాధారణంగా పాములంటే (Snakes) చాలా మంది భయపడతారు. పాము ఉందంటే అటువైపు వెళ్లడానికి కూడా భయపడతారు. పామును పట్టడం అనేది సాధారణ ప్రజలకు ఓ భయంకర అనుభవం. నిపుణులు తప్ప మామూలు వ్యక్తులు అంత సాహసం చెయ్యరు. అయితే అమెరికాకు (America) చెందిన ఓ మహిళ అత్యంత ధైర్యంగా ఓ పామును తన కూతురి కారు నుంచి వెలికి తీసింది. ఆ వీడియో సోషల్ మీడియాలో వైరల్ (Viral Video) అవుతోంది.
టెక్సస్‌కు (Texas) చెందిన నికోల్ అనే మహిళ తన ఇంటి బయట ఒక పామును చూసింది. అది మెల్లిగా తన కూతురి కారు (Car) బానెట్‌లోకి వెళ్లడాన్ని గమనించింది. అప్పటికే ఆ కారులో ఆమె కూతురు హైలీ ఉంది. నికోల్ వెంటనే చేతికి గ్లౌస్ తొడుక్కుని ఓ కర్ర పట్టుకుని కారు దగ్గరకు వెళ్లింది. కూతురికి విషయం చెప్పడంతో ఆమె వెంటనే కారు దిగిపోయింది. నికోల్ కారు బానెట్ తెరిచి అక్కడ ఉన్న పామును కదిలించింది. గ్లౌస్ ఉన్న చేత్తో పామును ఒడుపుగా పట్టుకుని దూరంగా పారేసింది. ఆ వీడియో సోషల్ మీడియాలో వైరల్ అవుతోంది.
Viral Video: ఏం స్పీడ్‌ రా బాబు.. ఇలాంటోళ్లు బ్యాంకుల్లో ఒక్కరున్నా సరే.. కస్టమర్ల కష్టాలు తగ్గేవి..!
``పామును పట్టుకోవడం అనేది సాధారణ విషయం కాదు. మా ఇంటికి వచ్చింది కొండచిలువ. అది విషపూరితం కాదు కాబట్టి నేను ధైర్యం చేశాను. శిక్షణ తీసుకోని వ్యక్తులు పాములు పట్టే సాహసం చేయకూడదు. అది ప్రాణాలకే ప్రమాదం`` అని నికోల్ హెచ్చరించింది.
Updated Date - 2023-04-14T14:45:48+05:30 IST