Viral Video: స్టేడియంలో ఆటగాడి డ్యాన్సుకు ప్రేక్షకుల స్టెప్పులు
ABN, Publish Date - Dec 28 , 2023 | 03:45 PM
క్రికెట్ మ్యాచులో భాగంగా అప్పుడప్పుడు సరదా సంఘటనలు చోటుచేసుకుంటాయి. గతంలో విరాట్ కోహ్లీ డ్యాన్స్ వీడియో సహా సోషల్ మీడియాలో అనేకం వెలుగులోకి వచ్చాయి. ఈ క్రమంలోనే తాజాగా మరో ఆటగాడి డ్యాన్స్ వీడియో నెట్టింట చక్కర్లు కోడుతుంది.
ఆస్ట్రేలియా, పాకిస్థాన్ జట్ల మధ్య కొనసాగుతున్న రెండో టెస్టులో భాగంగా ఓ ఆసక్తికర సంఘటన చోటుచేసుకుంది. నేడు మూడో రోజు కొనసాగుతున్నఆట నేపథ్యంలో బౌండరీ పరిధిలో ఉన్న పాక్ ఆటగాడు హసన్ అలీ సరదాగా డ్యాన్స్ చేశాడు. ఆ క్రమంలో అతని వెనుకాల ఉన్న ప్రేక్షకులు కూడా అతనితోపాటు కలిసి డ్యాన్స్ చేశారు. హసన్ ఎలా చేస్తున్నాడో స్టేడియంలో ఉన్న ప్రేక్షకులు కూడా అలాగే చేతులు ఊపుతూ అరుపులు చేస్తూ సందడి చేశారు. అయితే ఒక్కసారిగా అనేక మంది నృత్యం చేయడంతో స్టేడియంలో ఉన్న మొత్తం మంది అటు వైపే చూస్తుండిపోయారు. దీనికి సంబంధించిన వీడియో ప్రస్తుతం సోషల్ మీడియాలో తెగ వైరల్ అవుతోంది. అంతేకాదు ఇది చూసిన పలువురు వావ్ అని అంటుండగా..ఇంకొంత మంది ఈ వీడియోను లైక్ చేస్తున్నారు.
ఈ నేపథ్యంలో ఆస్ట్రేలియాతో జరుగుతున్న రెండో టెస్టులో హసన్ తన డ్యాన్స్ తో ప్రేక్షకుల దృష్టిని ఆకర్షించాడు. పాక్ రెండో ఇన్నింగ్స్‌ 53వ ఓవర్‌లో ఈ దృశ్యం చోటుచేసుకుంది. ఆ క్రమంలో మెల్ బోర్న్ స్టేడియంలోని ప్రేక్షకులు నిరాశ చెందకుండా అతనితోపాటు స్టెప్పులు వేశారు. అయితే క్రికెట్ స్టేడియంలో ఇలాంటి సంఘటనలు జరగడం ఇదే మొదటి సారి కాదు. ఇదే టెస్ట్ మ్యాచులో రెండో రోజు ట్రావిస్ హెడ్ బౌండరీ వద్ద తన ఫీల్డింగ్ సమయంలో ప్రేక్షకులను అనుకరించాడు. అది చూసిన ప్రేక్షకులు సైతం అతని మాదిరిగానే అనుకరించారు. అంతేకాదు గతంలో భారత స్టార్ ఆటగాడు విరాట్ కోహ్లీ సైతం పలు సందర్భాలలో మైదానంలో డ్యాన్స్ చేసిన వీడియోలు సోషల్ మీడియాలో వైరల్ అయ్యాయి. దీంతోపాటు రోహిత్ శర్మ పలు సందర్భాలలో ఆటగాళ్ల తీరుపై ఆవేదన వ్యక్తం చేసిన సంఘటనలు కూడా సోషల్ మీడియాలో వైరల్ అయిన సందర్భాలు ఉన్నాయి.
Updated Date - Dec 28 , 2023 | 03:50 PM
