టైటిల్‌ఫైట్‌కు జొకోవిచ్‌, సిట్సిపాస్‌
ABN, First Publish Date - 2023-01-28T01:36:52+05:30
ఆస్ర్టేలియన్‌ ఓపెన్ పురుషుల సింగిల్స్‌ టైటిల్‌ కోసం సెర్బియా, గ్రీకు వీరులు నొవాక్‌ జొకోవిచ్‌, స్టెఫనోస్‌ సిట్సిపాస్‌ అమీతుమీ తేల్చుకోనున్నారు.
మహిళల ఫైనల్‌ నేడు
సబలెంకా X రిబకినా
మ. 2 నుంచి సోనీ నెట్‌వర్క్‌లో
మెల్‌బోర్న్‌: ఆస్ర్టేలియన్‌ ఓపెన్ పురుషుల సింగిల్స్‌ టైటిల్‌ కోసం సెర్బియా, గ్రీకు వీరులు నొవాక్‌ జొకోవిచ్‌, స్టెఫనోస్‌ సిట్సిపాస్‌ అమీతుమీ తేల్చుకోనున్నారు. శుక్రవారం జరిగిన సెమీఫైనల్లో నాలుగో సీడ్‌ జొకోవిచ్‌ 7-5, 6-1, 6-2 స్కోరుతో టామీ పాల్‌ (అమెరికా)పై వరుస సెట్లలో గెలుపొందాడు. మరో సెమీఫైనల్లో మూడో సీడ్‌ సిట్సిపాస్‌ 7-6 (2), 6-4, 6-7(8), 6-3 స్కోరుతో 18వ సీడ్‌ కరెన్‌ ఖచనోవ్‌ (రష్యా)పై కష్టపడి నెగ్గాడు. జొకోకిది పదో ఆస్ట్రేలియన్‌ ఓపెన్ ఫైనల్‌కాగా..సిట్సిపాస్‌ తొలిసారి ఇక్కడ టైటిల్‌ ఫైట్‌కు చేరాడు. ముఖాముఖి పోరులో నొవాక్‌ 10-2తో స్టెఫనో్‌సపై ఆధిక్యంలో ఉన్నాడు. 2021 ఫ్రెంచ్‌ ఓపెన్ ఫైనల్లో వీరిద్దరు తలపడినప్పుడు మొదటి రెండు సెట్లు సిట్సిపాస్‌ గెలిచిన ఆపై మూడు సెట్లు సొంతం చేసుకున్న జొకో విజేతగా నిలిచాడు.
Updated Date - 2023-01-28T01:36:53+05:30 IST