Telangana Elections: టికెట్ ఇచ్చి.. బీఫామ్ ఇవ్వని బీజేపీ.. వెక్కి వెక్కి ఏడ్చిన అభ్యర్థి
ABN, First Publish Date - 2023-11-10T14:43:15+05:30
సంగారెడ్డి రిటర్నింగ్ కార్యాలయం ముందు బీజేపీ నేత రాజేశ్వర్ రావు దేశ్ పాండే నిరసనకు దిగారు. ఈరోజు (శుక్రవారం) విడుదలైన బీజేపీ అభ్యర్థుల చివరి జాబితాలో సంగారెడ్డి నుంచి రాజేశ్వర్రావు దేశ్‌పాండే‌కు బీజేపీ అధిష్టానం టికెట్ కేటాయించింది.
సంగారెడ్డి: సంగారెడ్డి రిటర్నింగ్ కార్యాలయం ముందు బీజేపీ నేత రాజేశ్వర్ రావు దేశ్ పాండే (BJP leader Rajeshwar Rao Des Pande) నిరసనకు దిగారు. ఈరోజు (శుక్రవారం) విడుదలైన బీజేపీ అభ్యర్థుల చివరి జాబితాలో సంగారెడ్డి నుంచి రాజేశ్వర్ రావు దేశ్ పాండేకు బీజేపీ అధిష్టానం టికెట్ కేటాయించింది. అయితే టికెట్ ఇచ్చినప్పటికీ బీ ఫామ్ ఇవ్వకపోవడంతో దేశ్ పాండే తీవ్ర ఆవేదన వ్యక్తం చేశారు. తెలంగాణ బీజేపీ చీఫ్ కిషన్‌రెడ్డికి (Telangana BJP Chief Kishan Reddy) ఫోన్ చేసి మరీ వెక్కి వెక్కి ఏడ్చారు. తనకు బీ ఫామ్ ఇవ్వకపోతే ఆత్మహత్య చేసుకుంటానని బీజేపీ నేత హెచ్చరించారు. మరోవైపు మరికొద్దిసేపట్లో తెలంగాణలో (Telangana State) నామినేషన్ల (Nomination) ఘట్టం ముగియనుంది. నామినేషన్ వేసేందుకు మరికొంత సమయం ఉండటంతో రాజేశ్వరరావు దేశ్‌పాండే రిటర్నింగ్ కార్యాలయం ముందు నిరసకు దిగారు. మరి నామినేషన్ గడువు ముగిసేలోపు రాజేశ్వర్ రావు దేశ్ పాండేకు బీజేపీ అధిష్టానం బీఫామ్ ఇస్తుందా?.. లేదా? అనే ఉత్కంఠ నెలకొంది.
Updated Date - 2023-11-10T15:14:25+05:30 IST