జూపల్లిపై ఎమ్మెల్యే హర్షవర్ధన్ రెడ్డి ఫైర్.. మేం తెగిస్తే తిరగలవా అంటూ సంచలన వ్యాఖ్యలు
ABN, First Publish Date - 2023-07-01T17:33:35+05:30
మాజీ మంత్రి జూపల్లి కృష్ణారావుపై (Jupally Krishna Rao) కొల్లాపూర్ బీఆర్ఎస్ ఎమ్మెల్యే బీరం హర్షవర్ధన్ రెడ్డి (Beeram Harshavardhan Reddy) ఆగ్రహం వ్యక్తం చేశారు.
కొల్లాపూర్, నాగర్ కర్నూల్ జిల్లా: మాజీ మంత్రి జూపల్లి కృష్ణారావుపై (Jupally Krishna Rao) కొల్లాపూర్ బీఆర్ఎస్ ఎమ్మెల్యే బీరం హర్షవర్ధన్ రెడ్డి (Beeram Harshavardhan Reddy) ఆగ్రహం వ్యక్తం చేశారు. అధికారం కోసం అబ్దాలను సోషల్ మీడియాలో ప్రచారం చేస్తున్నారని మండిపడ్డారు. అధికారంలో ఉన్నప్పుడు కొల్లాపూర్‌కు ఒక్కటైన పేరున్న స్కీమ్ తెచ్చావా అంటూ జూపల్లిపై మండిపడ్డారు.
''ఎవరికి భయపడం, నీతి నిజాయితీగా పనిచేస్తున్నాం. మాతో ఉన్నవారు బ్యాంకులను ముంచలే, అక్రమంగా దోచుకోలే, చనిపోయినోళ్ల పేర్లపై బ్యాంకులలో డబ్బులు తీసుకోలేదు. అధికారకాంక్ష తప్ప అభివృద్ధి మాట లేదు. వయసు పెరిగిన వంచన మానుకోలేదు. మా తండ్రి సుప్రీంకోర్టు కెళ్లారు, కోర్టు ఆర్డర్, ఏమి చేశావు. నీకు దమ్ము ధైర్యం ఉంటే నేను ప్రభుత్వానికి చిన్న లేఖ కానీ, సిఫారసు చేసినట్లు నిరూపించు. ఇన్ని రోజులు ఒకే పార్టీలో ఉన్నందుకు గౌరవం ఇచ్చా. పరువు నష్టం వేసి చట్టపరమైన చర్యలు తీసుకుంటాం. సోషల్ మీడియాలో ప్రైవేట్ చిల్లర చానల్స్‌ను పెట్టుకొని అబద్దాలను ప్రచారం చేస్తున్నావు. మా వారు తెగిస్తే తాలూకాలో తిరగలవా. అవకాశవాదివి నివ్వు, ఫ్యాక్షన్ రాజకీయం చేసి విపనగండ్లలో ప్రాణాలు తీశావు.'' అంటూ జూపల్లిపై ఎమ్మెల్యే బీరం హర్షవర్ధన్ రెడ్డి ఆరోపణలు చేశారు.
Updated Date - 2023-07-01T17:33:44+05:30 IST