Hyderabad: మీరు మొయినాబాద్ ప్రాంతంలో ఉంటున్నారా.. అయితే ఈ విషయం తెలుసా?
ABN, First Publish Date - 2023-04-11T13:09:53+05:30
సైబరాబాద్‌ పోలీస్‌ కమిషనరేట్‌(Cyberabad Police Commissionerate) పరిధిలో నిబంధనల ఉల్లంఘన, ఇతర కారణాలతో పోలీసులు స్వాధీనం చేసుకున్న..
హైదరాబాద్‌: సైబరాబాద్‌ పోలీస్‌ కమిషనరేట్‌(Cyberabad Police Commissionerate) పరిధిలో నిబంధనల ఉల్లంఘన, ఇతర కారణాలతో పోలీసులు స్వాధీనం చేసుకున్న 885 వాహనాలను వేలం(Vehicles Auction) వేయనున్నట్లు సీపీ స్టీఫెన్‌ రవీంద్ర(Stephen Raveendra) ఒక ప్రకటనలో తెలిపారు. స్వాధీనం చేసుకున్న వాహనాలు మొయినాబాద్ పోలీస్‌స్టేషన్‌(Moinabad Police Station) గ్రౌండ్‌(Ground)లో ఉన్నాయన్నారు. వాహనాల వివరాలు సైబరాబాద్‌ పోలీస్‌ వెబ్‌సైట్‌(Cyberabad Police Website)లో పొందుపరిచామన్నారు.
వేలానికి సిద్ధమైన వాహనాల వివరాలను పరిశీలించిన తర్వాత యజమానులు ఎవరికైనా అభ్యంతరాలు ఉంటే వాటిని తిరిగి పొందేందుకు సంబంధిత పోలీస్‌స్టేషన్‌ ఎస్‌హెచ్‌వో(SHO)ను పత్రాలతో ఆరు నెలలలోపు సంప్రదించాలని కోరారు. లేకపోతే వాటిని వేలం వేస్తామన్నారు. వివరాలకు ఎంటీఓ ఎన్‌.విష్ణును 9490517317 ఫోన్‌ నెంబర్‌లో సంప్రదించవచ్చన్నారు.
Updated Date - 2023-04-11T13:10:38+05:30 IST