Sharmila: షర్మిల ఏక్షణమైనా ఢిల్లీ వెళ్ళే అవకాశం!

హైదరాబాద్: వైఎస్ఆర్ తెలంగాణ పార్టీ (YSRTP).. కాంగ్రెస్‌ (Congress)లో విలీనానికి రంగం సిద్ధమైనట్లు సమాచారం. కాంగ్రెస్ హైకమాండ్ పిలుపుతో ఆ పార్టీ అధ్యక్షురాలు వైఎస్ షర్మిల (YS Sharmila) ఏక్షణమైనా ఢిల్లీ వెళ్ళే అవకాశం ఉన్నట్లు సమాచారం. రెండు, మూడు రోజుల్లో భర్త అనిల్‌ (Anil)తో కలసి షర్మిల ఢిల్లీకి వెళ్లనున్నారు. షర్మిల దంపతులు ఏఐసీసీ అధ్యక్షుడు ఖర్గే (AICC Chief Kharge), సోనియా (Sonia), రాహుల్ (Rahul), ప్రియాంక గాంధీ (Priyanka Gandhi)లను కలవనున్నారు.

మరోవైపు రానున్న ఎన్నికల్లో వైఎస్ఆర్‌టీపీకి చెందిన తన అనుచరులకు కనీసం ఐదు అసెంబ్లీ సీట్లు ఇవ్వాలని షర్మిల డిమాండ్ చేస్తున్నారు. అయితే రెండు లేదా మూడు అసెంబ్లీ సీట్లకు కాంగ్రెస్ పార్టీ ఒప్పుకునే అవకాశం ఉన్నట్లు తెలియవచ్చింది. ఇంకోవైపు షర్మిలను ఏపీ రాజకీయాలకే పరిమితం చేయాలని పీసీసీ చీఫ్ రేవంత్ రెడ్డి వర్గం అంటోంది. కాగా షర్మిల పార్టీ కాంగ్రెస్‌లో విలీనంపై ఈనెల 20లోపు స్పష్టత వచ్చే అవకాశం ఉంది.