MLA: తుమ్మల చేరికపై ఎమ్మెల్యే వీరయ్య కామెంట్స్.. ఆయన ఏమన్నారంటే..

అశ్వారావుపేట(భద్రాద్రి కొత్తగూడెం): భద్రాద్రి జిల్లాను ఎంతో అభివృద్ధి చేసిన మాజీమంత్రి తుమ్మల నాగేశ్వరరావు(Former Minister Tummala Nageswara Rao) వంటి పెద్దలు కాంగ్రెస్‌లోకి వస్తే అందరం స్వాగతిస్తామని భద్రాచలం ఎమ్మెల్యే పొదెం వీరయ్య(Bhadrachalam MLA Podem Veeraiah) తెలిపారు. సీనియర్‌ నాయకులు అయిన తుమ్మల ఎనలేని సేవచేశారని, పార్టీలోకి రావటం ద్వారా కాంగ్రెస్‌ మరింతగా బలోపేతం అవుతుందన్నారు. తుమ్మల పార్టీలోకి రావాలని కోరుతున్నట్లు తెలిపారు. సమావేశంలో ములకలపల్లి జడ్పీటీసీ సభ్యురాలు సున్నం నాగమణి, మహిళా కాంగ్రెస్‌ జిల్లా అధ్యక్షురాలు దేవి ప్రసన్న, టీపీసీసీ నాయకులు జేష్ట సత్యనారాయణ చౌదరి, మండల అధ్యక్షులు తుమ్మా రాంబాబు, మద్దిశెట్టి ప్రసాద్‌, తాండ్ర ప్రభాకర్‌, ఎస్సీ సెల్‌ జిల్లా అధ్యక్షుడు రవికుమార్‌, నాయకులు అర్జునరావు పాల్గొన్నారు.