Kishan Reddy: కేంద్ర మంత్రి కిషన్ రెడ్డి అరెస్ట్.. బీజేపీ దీక్షాశిబిరం వద్ద గందరగోళం
ABN, First Publish Date - 2023-09-13T20:45:56+05:30
ఇందిరాపార్క్ ధర్నాచౌక్‌(Indira Park Dharnachowk) వద్ద దీక్ష చేస్తున్న తెలంగాణ బీజేపీ అధ్యక్షుడు, కేంద్ర మంత్రి కిషన్ రెడ్డిని (Union Minister Kishan Reddy) పోలీసులు అరెస్ట్ చేశారు.
హైదరాబాద్: ఇందిరాపార్క్ ధర్నాచౌక్‌(Indira Park Dharnachowk) వద్ద దీక్ష చేస్తున్న తెలంగాణ బీజేపీ అధ్యక్షుడు, కేంద్ర మంత్రి కిషన్ రెడ్డిని (Union Minister Kishan Reddy) పోలీసులు అరెస్ట్ చేశారు.
కేంద్రమంత్రి కిషన్ రెడ్డిని పోలీసులు అదుపులోకి తీసుకునే సమయంలో ఆయన కిందపడిపోయారు. కిషన్ రెడ్డితో పాటు.. బీజేపీ నాయకులను అరెస్టు చేయడానికి భారీగా పోలీసులు వచ్చారు. కిషన్ రెడ్డి పోలీసులు అదుపులోకి తీసుకుండా బీజేపీ నేతలు అడ్డుకున్నారు. పోలీసులకు బీజేపీ క్యాడర్‌కు మధ్య వాగ్వాదం జరిగింది. పలువురు బీజేపీ కార్యకర్తలకు, కవర్ చేస్తోన్న కెమరామెన్లకు గాయాలయ్యాయి. దీంతో పలువురు బీజేపీ నేతలు, మహిళా కార్యకర్తలు కింద పడిపోయారు. బీజేపీ కార్యకర్తల నినాదాలతో ఇందిరాపార్క్ ప్రాంతం దద్దరిల్లితోంది. దీక్ష శిబిరంలో అంతా గందరగోళం నెలకొంది. పోలీసులకు, బీజేపీ క్యాడర్ మధ్య తోపులాటలో కేంద్రమంత్రి కిషన్ రెడ్డి నలిగిపోయారు. కిషన్ రెడ్డి ఆరోగ్యంపై ఆయన భద్రతా సిబ్బంది ఆందోళన వ్యక్తం చేస్తున్నారు. తీవ్ర తోపులాట మధ్య కిషన్ రెడ్డిని అరెస్ట్ చేసి పోలీసులు తీసుకెళ్లారు.
Updated Date - 2023-09-13T21:08:05+05:30 IST