Bandi Sanjay: వాహనాలను మారుస్తూ బండి సంజయ్ తరలింపు.. ఎక్కడికో చెప్పని పోలీసులు..
ABN, First Publish Date - 2023-04-05T12:17:12+05:30
బీజేపీ రాష్ట్ర అధ్యక్షులు బండి సంజయ్ తరలింపుపై ఇంకా స్పష్టత రాలేదు. ఆయనను ఎక్కడకు తరలిస్తున్నారనే దానిపై పోలీసులు నోరు మెదపడం లేదు.
వరంగల్: బీజేపీ రాష్ట్ర అధ్యక్షులు బండి సంజయ్ (BJP Leader Bandi Sanjay) తరలింపుపై ఇంకా స్పష్టత రాలేదు. ఆయనను ఎక్కడకు తరలిస్తున్నారనే దానిపై పోలీసులు నోరు మెదపడం లేదు. భారీ బందోబస్తు మధ్య కార్లను మారుస్తూ బండి సంజయ్ (BJP Leader)ను పోలీసులు తిప్పుతున్నారు. అయితే జనగామ జిల్లా పెంబర్తి వద్దకు చేరిన బండి సంజయ్ కాన్వాయ్‌ను బీజేపీ (BJP) శ్రేణులు అడ్డుకోవడంతో ఉద్రిక్తత చోటు చేసుకుంది. వెంటనే పోలీసులు లాఠీచార్జ్ చేసి బీజేపీ కార్యకర్తలను చెదరగొట్టారు. ఈ క్రమంలో పలువురికి గాయాలయ్యాయి. బండి సంజయ్‌ను మరో వాహనంలోకి మార్చి అక్కడి నుంచి తరలించారు. వరంగల్ హైవే నుంచి జనగామ సర్వీస్‌ రోడ్డుకు బండి సంజయ్ కాన్వాయ్‌ను మళ్లించారు.
బండి సంజయ్‌ను పాలకుర్తి ప్రభుత్వాస్పత్రికి తరలించారు. అక్కడ ఆయనకు వైద్య పరీక్షలు నిర్వహించారు. పదినిమిషాల అనంతరం బండి సంజయ్‌ను అక్కడి నుంచి తరలించారు. వాహనాలను మార్చి మార్చి బండి సంజయ్‌ను పోలీసులు తరలిస్తున్నారు. అయితే ఆయనను ఎక్కడకు తరలిస్తున్నారనే దానిపై క్లారిటీ లేదు. ప్రస్తుతం పాలకుర్తి వర్ధన్నపేటలో బండి సంజయ్ కాన్వాయ్ వెళ్తోంది. బండి సంజయ్ తరలింపులో పోలీసులు వ్యవహరిస్తున్న తీరుపట్ల బీజేపీ శ్రేణులు గందరగోళానికి గురవుతున్నారు. బండి సంజయ్‌ను ఎక్కడికి తరలిస్తున్నారో చెప్పాలని కమలం పార్టీ శ్రేణులు డిమాండ్ చేశారు.
Updated Date - 2023-04-05T12:17:12+05:30 IST