development works అభివృద్ధి పనులకు నిధులు కేటాయించండి

- సీఎం చంద్రబాబుకు ఎమ్మెల్యే అమిలినేని సురేంద్రబాబు వినతి

కళ్యాణదుర్గం, నవంబరు 22 (ఆంధ్రజ్యోతి): కళ్యాణదుర్గం నియోజకవర్గ అభివృద్ధికి ప్రత్యేక నిధులు కేటాయించాలని సీఎం చంద్రబాబుకు ఎమ్మెల్యే అమిలినేని సురేంద్రబాబు విన్నవించారు. అమరావతిలో శుక్రవారం ఆయన సీఎంను కలిసి మాట్లాడారు.

నియోజకవర్గంలో భైరవానితిప్ప ప్రాజెక్టు పనులకు నిధులు కేటాయించి త్వరితగతిన పనులు పూర్తయ్యేలా చూడాలని కోరారు. అదేవిధంగా కళ్యాణదుర్గం పట్టణానికి మహిళా డిగ్రీ కళాశాల, డైట్‌ కళాశాల మంజూరు చేయాలని విన్నవించారు. అదేవిధంగా అక్కడ డ్రైనేజీ వ్యవస్థ మెరుగుకు, రోడ్ల అభివృద్ధికి నిధులు కేటాయించాలన్నారు. సామాజిక ఆరోగ్య కేంద్రానికి అదనంగా వందపడకలను మంజూరు చేయాలని కోరుతూ వినతిపత్రం ఇచ్చారు. ఇందుకు సీఎం సానుకూలంగా స్పందించినట్లు ఎమ్మెల్యే అమిలినేని తెలిపారు.

మరిన్ని అనంతపురం వార్తల కోసం..