వాడపల్లి ఆలయంలో భక్తుల సందడి
ABN , Publish Date - Nov 23 , 2024 | 01:14 AM
వాడపల్లి వేంకటేశ్వరస్వామి ఆలయం లో శుక్రవారం వివిధ ప్రాంతాల నుంచి వచ్చిన భక్తులతో సందడి నెలకొంది
ఆత్రేయపురం, నవంబరు 22(ఆంధ్రజ్యోతి): వాడపల్లి వేంకటేశ్వరస్వామి ఆలయం లో శుక్రవారం వివిధ ప్రాంతాల నుంచి వచ్చిన భక్తులతో సందడి నెలకొంది. నోచు ఆచరించిన భక్తులు స్వామివారికి అష్టోత్తర పూజలు, నిత్య కల్యాణాలు జరిపారు. స్వామివారికి పలు సేవల ద్వారా ఒకరోజు ఆదాయం రూ.3,10,758 వచ్చినట్టు ఉప కమిషనరు, ఈవో నల్లం సూర్యచక్రధరరావు తెలిపారు. వకుళమాత అన్నదాన భవన నిర్మాణానికి విజయవాడకు చెందిన నల్లా కోటేశ్వరరావు, సూర్యావతి దంపతులు రూ.50,116 విరాళం ఇచ్చారు. వారికి ఉప కమిషనరు స్వామివారి చిత్రపటం అందించారు.
