Guru Purnima 2024: ఏపీ ప్రజలకు సీఎం చంద్రబాబు గురు పౌర్ణమి శుభాకాంక్షలు
ABN, Publish Date - Jul 21 , 2024 | 10:39 AM
గురు పౌర్ణమి సందర్భంగా రాష్ట్ర ప్రజలకు ఏపీ ప్రజలకు ముఖ్యమంత్రి నారా చంద్రబాబు నాయుడు శుభాకాంక్షలు తెలిపారు. ‘‘గురు పౌర్ణమి సందర్భంగా రాష్ట్ర ప్రజలకు నా హృదయ పూర్వక శుభాకాంక్షలు’’ అని పేర్కొన్నారు.
అమరావతి: గురు పౌర్ణమి సందర్భంగా రాష్ట్ర ప్రజలకు ఏపీ ప్రజలకు ముఖ్యమంత్రి నారా చంద్రబాబు నాయుడు శుభాకాంక్షలు తెలిపారు. ‘‘గురు పౌర్ణమి సందర్భంగా రాష్ట్ర ప్రజలకు నా హృదయ పూర్వక శుభాకాంక్షలు. సత్యం, ధర్మం, దయ, ధ్యానం ద్వారా సమున్నత జీవన గమ్యాన్ని ఏర్పరచుకోవాలన్న వేదవ్యాసుడి ఉపదేశాన్ని అనుసరిస్తూ గురువుల పట్ల అత్యంత గౌరవంతో మెలగాలని, ప్రజలంతా మహోన్నత ఆశయాలతో ముందుకు సాగాలని ఈ సందర్భంగా ఆకాంక్షిస్తున్నాను’’ అని చంద్రబాబు ఎక్స్ వేదికగా స్పందించారు.
కాగా మరికొద్ది సేపట్లో గురు పౌర్ణమి మహోత్సవ వేడుకల్లో ముఖ్యమంత్రి చంద్రబాబు పాల్గొననున్నారు. మంగళగిరిలోని సీకే కన్వెన్షన్ సెంటర్‌లో భగవాన్ శ్రీ రామదూత స్వామి ఆధ్వర్యంలో జరగనున్న గురు పౌర్ణమి వేడుకలకు అతిథిగా వెళ్లనున్నారు.
ఇక గురుపౌర్ణమి సందర్భంగా ఇరు తెలుగు రాష్ట్రాల్లోని సాయిబాబా ఆలయాల్లో ఘనంగా వేడుకలు జరుగుతున్నాయి. ఉదయం నుంచి బాబాకు ప్రత్యేక పూజలు, అభిషేకాలు చేస్తున్నారు. షిరిడీ సాయి మందిరాలు భక్తులతో కిటకిటలాడుతున్నాయి. ఇరు తెలుగు రాష్ట్రాల్లోని సాయి బాబా ఆలయాలు సందడిగా కనిపిస్తున్నాయి.
Updated Date - Jul 21 , 2024 | 10:57 AM
