AP News: ఇంటి స్థలాన్ని జేసీబీతో చదును చేస్తుండగా దారుణం..
ABN , Publish Date - Jan 19 , 2024 | 10:34 AM
Andhrapradesh: జిల్లాలోని భీమవరం సుంకరబద్దయ్య గారి వీధిలో దారుణం చోటు చేసుకుంది. ఇంటి స్థలాన్ని చదును చేస్తున్న సమయంలో ఓ వ్యక్తి చేసిన పని అక్కడి వారిని భయాందోళనకు గురిచేసింది.
పశ్చిమగోదావరి, జనవరి 19: జిల్లాలోని భీమవరం సుంకరబద్దయ్య గారి వీధిలో దారుణం చోటు చేసుకుంది. ఇంటి స్థలాన్ని చదును చేస్తున్న సమయంలో ఓ వ్యక్తి చేసిన పని అక్కడి వారిని భయాందోళనకు గురిచేసింది. అంతే కాకుండా ఒకరు తీవ్రంగా గాయపడ్డారు. అసలేం జరిగిందంటే.. సుంకరబద్దయ్య గారి వీధిలో సుశీల అనే మహిళకు చెందిన ఇంటి స్థలాన్ని బ్యాంకు వేలంపాటలో జయరామ్ అనే వ్యక్తి దక్కించుకున్నాడు. ఈ క్రమంలో ఇంటి స్థలాన్ని చదును చేసేందుకు జయరామ్ పూనుకున్నాడు.
జేసీబీతో ఇంటి స్థలాన్ని చదును చేస్తున్న సమయంలో సుశీల భర్త చేసిన పని భయాందోళనకు గురిచేసింది. స్థలాన్ని చదును చేసి జేసీబీని వెనక్కి తీసుకువెళ్తున్న సమయంలో సుశీల భర్త హఠాత్తుగా జేసీబీపై పెట్రోల్ పోసి నిప్పుపెట్టాడు. దీంతో ఆ ప్రాంతంలో ఒక్కసారిగా మంటలు చెలరేగాయి. ఈ ఘటనలో జేసీబీ దగ్దమవగా.. డ్రైవర్‌కు తీవ్ర గాయాలయ్యాయి. సమాచారం అందిన వెంటనే పోలీసులు అక్కడకు చేరుకుని గాయపడిన డ్రైవర్‌ను ప్రభుత్వాస్పత్రికి తరలించారు. ఈ ఘటనపై పోలీసులు కేసు నమోదు చేసి దర్యాప్తు చేపట్టారు.
మరిన్ని ఏపీ వార్తల కోసం ఇక్కడ క్లిక్ చేయండి..
