AP News: గణతంత్ర దినోత్సవం రోజునే ఓ మహిళపై వైసీపీ నేత దాష్టీకం
ABN , Publish Date - Jan 27 , 2024 | 02:51 AM
గణతంత్ర దినోత్సవం రోజునే ఓ మహిళపై వైసీపీ నేత దాష్టీకానికి పాల్పడ్డాడు. అనంతపురం జిల్లా బ్రహ్మసముద్రం మండలం పాలవెంకటాపురం గ్రామానికి చెందిన లక్ష్మిని శుక్రవారం వైసీపీ నాయకుడు,
మహిళపై దాడి చేస్తున్న వైసీపీ నాయకుడు నటరాజ్‌ .., ఆస్పత్రిలో రోదిస్తూ గోడు వెళ్లబోసుకుంటున్న బాధిత మహిళ లక్ష్మి
నిలదీయగా జుట్టుపట్టి పిడిగుద్దులు
మహిళపై వైసీపీ నాయకుడి దాష్టీకం
గణతంత్ర దినోత్సవాన వీడియో వైరల్‌
కళ్యాణదుర్గం, జనవరి 26: గణతంత్ర దినోత్సవం రోజునే ఓ మహిళపై వైసీపీ నేత దాష్టీకానికి పాల్పడ్డాడు. అనంతపురం జిల్లా బ్రహ్మసముద్రం మండలం పాలవెంకటాపురం గ్రామానికి చెందిన లక్ష్మిని శుక్రవారం వైసీపీ నాయకుడు, గ్రామ సచివాలయ కన్వీనర్‌ నటరాజ్‌ జత్తుపట్టి లాగి విచక్షణారహితంగా చితకబాదాడు. బాధితురాలి కథనం మేరకు.. నాగరాజు భార్య లక్ష్మి పాలవెంకటాపురంలో టైలరింగ్‌ షాపు నిర్వహిస్తోంది. శుక్రవారం షాపు నుంచి ఇంటికి బయల్దేరింది. దారిమధ్యలో కాపుకాచిన వైసీపీ నాయకుడు నటరాజ్‌ ఆమెను చూసి ఈలలు వేస్తూ వెకిలి చేష్టలు చేశాడు. దీంతో ఆమె నిలదీసింది. దీంతో రెచ్చిపోయిన నటరాజ్‌.. ఆమెను జట్టు పట్టుకుని పిడిగుద్దులు గుద్దుతూ విచక్షణారహితంగా చితకబాదాడు. స్థానికులు అడ్డుకుంటున్నా దాడికి తెగబడ్డాడు. ఆమె పెద్దగా కేకలు వేస్తూ కింద పడిపోయింది. దీనికి సంబంధించిన వీడియో సోషల్‌ మీడియాలో వైరల్‌గా మారింది. గాయపడిన లక్ష్మిని స్థానికులు ద్విచక్రవాహనంలో కళ్యాణదుర్గం ప్రభుత్వాస్పత్రికి తీసుకొచ్చారు. బాధితురాలి ఫిర్యాదు మేరకు బ్రహ్మసముద్రం మండల పోలీసులు కేసు నమోదు చేసుకుని, దర్యాప్తు చేస్తున్నారు.
