యువతకు సమాజంపై బాధ్యత ఉండాలి

కేంద్ర మంత్రి పెమ్మసాని చంద్రశేఖర్‌

రాష్ట్ర సృజనాత్మకత, సంస్కృతి సమితి చైర్‌పర్సన్‌గా బాధ్యతలు స్వీకరించిన పొడపాటి తేజస్విని

విజయవాడ(వన్‌టౌన్‌), నవంబరు 22 (ఆంధ్రజ్యోతి ): రాష్ట్ర సృజనాత్మకత, సంస్కృతి సమితి చైర్‌పర్సన్‌గా పొడపాటి తేజస్విని శుక్రవారం బాధ్యత లు స్వీకరించారు. విజయవాడ బెరంపార్క్‌లో జరిగి న కార్యక్రమానికి కేంద్ర మంత్రి పెమ్మసాని చంద్రశేఖర్‌ ముఖ్య అతిథిగా హాజరయ్యారు. పెమ్మసాని మాట్లాడుతూ యువతకు సమాజంపై బాధ్యత ఉండాలన్నారు. ఈ సందర్భంగా తేజస్వినిని పెమ్మసాని అభినందించారు. కష్టపడిన వారికి గుర్తింపు ఇవ్వడంలో చంద్రబాబు ఆయనకు ఆయనే సాటి అని పేర్కొన్నారు. కాగా, ఐటీ నిపుణులను రాజకీయాల్లోకితీసుకురావటానికి కృషి చేస్తానని ఐటీ రంగ నిపుణురాలు కూడా అయిన పొడపాటి తేజస్విని అన్నారు. అవకాశం ఇచ్చిన సీఎం చంద్రబాబు, మంత్రి లోకేశ్‌లకు కృతజ్ఞతలు తెలిపారు. పర్యాటక, సాంస్కృతిక శాఖ మంత్రి దుర్గేష్‌ ఆమె చేత ప్రమాణం చేయించారు.