YS Sharmila: కులమతాల చిచ్చుపెడుతోంది బీజేపీనే

ప్రధాని మోదీది పచ్చకామెర్లోడి తీరు: షర్మిల

అమరావతి, అక్టోబరు 10(అమరావతి): ప్రధాని నరేంద్ర మోదీది పచ్చకామెర్లోడి తీరంటూ ఏపీసీసీ అధ్యక్షురాలు వైఎస్‌ షర్మిలరెడ్డి విమర్శించారు. దేశంలో బీజేపీ విద్వేషాలను రెచ్చగొడుతోందని గురువారం ఎక్స్‌లో ట్వీట్‌ చేశారు. కులమతాల మధ్య బీజేపీ చిచ్చుపెడుతోందని ఆరోపించారు. కుట్ర రాజకీయాలకు బీజేపీ కేరా్‌ఫగా విమర్శించారు. మత రాజకీయాలకు బీజేపీది పుట్టినిల్లుగా ఆరోపించారు. మతా న్ని కవచంలా అడ్డుపెట్టుకుని బీజేపీ దర్జాగా దేశాన్ని దోచుకుంటోందని ఆరోపించారు. కాంగ్రె్‌సను విద్వేషాల ఫ్యాక్టరీ అని మోదీ అనడం దొంగే దొంగా దొంగా అన్నట్లుగా ఉందన్నారు. హరియాణాలో కాంగ్రెస్‌ ఓడినా ప్రజల మనసులో ప్రేమ బలంగా ఉందన్నారు. ఐక్యత సందేశం ఉద్యమంగా, ఉప్పెనగా మారుతుందని బీజేపీ తెలుసుకోవాలని హెచ్చరించారు. ‘మోదీ హఠావో .. దేశ్‌ బచావో’ నిజమవుతుందని షర్మిల విశ్వాసం వ్యక్తం చేశారు. మోదీ విశ్వగురు కాదని.. విషపురుగు అని షర్మిల ఆగ్రహం వ్యక్తం చేశారు.