ఏపీకి తరలుతున్న ఓటర్లు..

హైదరాబాద్: సార్వత్రిక ఎన్నికల నేపథ్యంలో తెలంగాణలో ఉంటున్న ఆంధ్రా ప్రజలు తమ ఓటు హక్కును వినియోగించుకునేందుకు ఏపీకి తరలి వెళుతున్నారు. దీంతో బస్టాండ్లు, రైల్వేస్టేషన్లు ప్రయాణికులతో కిక్కిరిసిపోతున్నాయి. వరుస సెలవులు, ఎన్నికల నేపథ్యంలో వేలమంది జనం ఊరి బాట పట్టడంతో మహాత్మాగాంధీ, జూబ్లీబస్టాండ్లు ప్రయాణికులతో రద్దీగా మారాయి. అలాగే హైదరాబాద్ నుంచి ఆంధ్రప్రదేశ్ వెళ్ళుతున్న వాహనాలతో చౌటుప్పల్లోని పంతంగి టోల్ ప్లాజా వద్ద ట్రాఫిక్ జామ్ నెలకొంది.