భారీ ఆధిక్యంలో ఇంగ్లండ్‌

రెండో ఇన్నింగ్స్‌ 248/3

విండీస్‌ తొలి ఇన్నింగ్స్‌ 457

నాటింగ్‌హామ్‌: వెస్టిండీస్‌తో జరుగుతున్న రెండో టెస్టులో ఇంగ్లండ్‌ 207 పరుగుల ఆధిక్యంలో కొనసాగుతోంది. ఓపెనర్‌ డకెట్‌ (76), బ్రూక్‌ (71 బ్యాటింగ్‌), పోప్‌ (51) అర్ధసెంచరీలతో రాణించడంతో ఆతిథ్య జట్టు శనివారం ఆట ముగిసేసరికి రెండో ఇన్నింగ్స్‌లో 248/3 స్కోరు చేసింది. క్రీజులో బ్రూక్‌కు జతగా రూట్‌ (37) ఉన్నాడు. అంతకుముందు ఓవర్‌నైట్‌ స్కోరు 351/5తో మూడోరోజు తొలి ఇన్నింగ్స్‌ కొనసాగించిన విండీస్‌ 457 రన్స్‌కు ఆలౌటైంది. జోషువా (82 నాటౌట్‌), షమార్‌ (33) పదో వికెట్‌కు 71 రన్స్‌ జత చేయడంతో విండీస్‌కు 41 రన్స్‌తో స్వల్ప ఆధిక్యం లభించింది. వోక్స్‌కు నాలుగు.. అట్కిన్సన్‌, బషీర్‌లకు రెండేసి వికెట్లు దక్కాయి. ఇంగ్లండ్‌ తొలి ఇన్నింగ్స్‌లో 416 రన్స్‌ చేసింది.