ఇచ్చిన మాటకు కట్టుబడి ఉంటా

లక్షెట్టిపేటరూరల్‌, నవంబరు 17 (ఆంధ్రజ్యోతి): తాను ఏదైనా మాట ఇస్తే కట్టుబడి పనిచేస్తానని ఎమ్మెల్యే కొక్కిరాల ప్రేంసాగర్‌రావు స్పష్టం చేశారు. లక్షెట్టిపేట విశ్రాంతి భవనం ఆవరణలో ఆదివారం ఏర్పాటు చేసిన విలేకరుల సమావేశంలో మాట్లాడారు. రైతులు దళారులను నమ్మి మోసపోకుండా ప్రభుత్వం ఏర్పాటు చేసిన కొనుగోలు కేంద్రాల్లోనే ధాన్యం అమ్మితే వారం రోజుల్లో డబ్బులు ఖాతాల్లో జమ అవుతాయన్నారు. యా సంగి వరి సాగుకు రైతులు సిద్ధం కావాలని, సాగుకు సరిపడ నీరందిం చేలా చర్యలు తీసుకుంటామన్నారు. గత ప్రభుత్వ హయాంలో కొనుగోలు కేంద్రాల్లో ఎన్నో అవకతవకలు జరిగినా స్పందించని బీజేపీ నాయకులు ఇప్పుడు కొనుగోలు కేంద్రాల చుట్టూ తిరుగుతూ రైతులను తప్పుదోవ పట్టిస్తున్నారని ఎద్దేవాచేశారు. అభివృద్ధి పనులను అడ్డుకుంటే ఎంతటి వారినైనా వదిలి పెట్టమని హెచ్చరించారు. రైతులకు కాంగ్రెస్‌ ప్రభుత్వం ఎల్లప్పుడు అండగా ఉంటుందని హామీ ఇచ్చారు. బీఆర్‌ఎస్‌ నాయకులు వారి ప్రభుత్వ హయాంలో ప్రజలను దోచుకున్నారన్నారు. నియోజకవర్గ అభివృద్ధికి అహర్నిశలు కృషి చేస్తానన్నారు. ప్రజాప్రతినిధులు, నాయకులు పాల్గొన్నారు.

ఎల్లమ్మ తల్లి ఆలయంలో ఎమ్మెల్యే పూజలు

దండేపల్లి, (ఆంధ్రజ్యోతి): కోర్విచెల్మలో నిర్మించిన రేణుక ఎల్లమ్మతల్లి ఆలయ విగ్రహ ప్రతిష్ఠాపన ఆదివారం నిర్వహించారు. ఎమ్మెల్యే కొక్కిరాల ప్రేంసాగర్‌రావు హాజరై పూజలు చేశారు. ఆలయ కమి టీ నిర్వాహకులు ఎమ్మెల్యేను సన్మానించారు. కోర్విచెల్మ గ్రామానికి చెందిన కొండగొర్ల మల్లయ్య ఇల్లు ఆదివారం అగ్ని ప్రమాదంతో కాలిపోయింది. ఎమ్మెల్యే బాధిత కుటుంబం ఇంటికి వెళ్లి వారిని పరామర్శించారు. ఇంది రమ్మ ఇల్లు మంజూరు చేస్తానని హామీ ఇచ్చి రూ.10వేల ఆర్థికసాయం అందించారు. ఏఎంసీ చైర్మన్‌ దాసరి ప్రేమ్‌చందు, పార్టీ అధ్యక్షుడు అక్కల వెంకటేశ్వర్లు, మాజీ ఎంపీపీ గడ్డం శ్రీనివాస్‌, నాయకులు గడ్డం త్రిమూర్తి, ముద్దసాని వేణు, ముత్తె వెంకటేష్‌, ముత్యాల శ్రీనివాస్‌, ముత్తె రాజన్న, ఆకుల రాజేందర్‌, సత్యం, కమలాకర్‌, సత్తయ్య తదితరులు పాల్గొన్నారు.