Congress: నేడు ఢిల్లీకి సీఎం
ABN , Publish Date - Nov 12 , 2024 | 03:23 AM
సీఎం రేవంత్‌ రెడ్డి మంగళవారం ఢిల్లీకి వెళ్లనున్నారు. ఇండియన్‌ ఎక్స్‌ప్రెస్‌ ఆధ్వర్యంలో జరిగే ‘అడ్డా’ కార్యక్రమంలో పాల్గొంటారు.
హైదరాబాద్‌, నవంబరు 11 (ఆంధ్రజ్యోతి): సీఎం రేవంత్‌ రెడ్డి మంగళవారం ఢిల్లీకి వెళ్లనున్నారు. ఇండియన్‌ ఎక్స్‌ప్రెస్‌ ఆధ్వర్యంలో జరిగే ‘అడ్డా’ కార్యక్రమంలో పాల్గొంటారు. ఉదయం పది గంటలకు శంషాబాద్‌ విమానాశ్రయం నుంచి బయలు దేరి ఢిల్లీకి వెళుతున్న సీఎం రేవంత్‌ రెడ్డి.. అక్కడ సాయంత్రం 6.30 గంటలకు జరిగే అడ్డా కార్యక్రమానికి హాజరవుతారు. అలాగే ఈ టూర్‌లో అందుబాటులో ఉన్న కాంగ్రెస్‌ పెద్దలను సీఎం రేవంత్‌ రెడ్డి కలిసే అవకాశం ఉందని పార్టీ వర్గాలు చెబుతున్నాయి.
మహారాష్ట్ర ఎన్నికల వ్యూహానికి సంబంధించిన చర్చల్లో సీఎం రేవంత్‌ రెడ్డి పాల్గొనే అవకాశం ఉందని సమాచారం. కాగా.. అడ్డా కార్యక్రమం ముగిసిన తర్వాత ఢిల్లీలోనే బస చేయనున్న రేవంత్‌రెడ్డి.. బుధవారం ముంబయికి బయలుదేరి వెళతారు. అక్కడ ఎన్నికల ప్రచారంలో పాల్గొననున్నారు. అనంతరం తిరిగి హైదరాబాద్‌కు చేరుకుంటారు. కాగా, వచ్చే వారం మరోమారు మహారాష్ట్ర ఎన్నికల ప్రచారానికి సీఎం వెళ్లనున్నట్లు పార్టీ వర్గాలు తెలిపాయి.
