చెరువులో వ్యక్తి మృతదేహం లభ్యం
ABN, Publish Date - Nov 17 , 2024 | 11:47 PM
వికారాబాద్‌ శివసాగర్‌ చెరువులో స్కూటీతో సహా పడిన ఓ గుర్తుతెలియని వ్యక్తి మృతదేహం లభ్యమైందని వికారాబాద్‌ పోలీసులు తెలిపారు.
వికారాబాద్‌, నవంబరు 17 (ఆంధ్రజ్యోతి): వికారాబాద్‌ శివసాగర్‌ చెరువులో స్కూటీతో సహా పడిన ఓ గుర్తుతెలియని వ్యక్తి మృతదేహం లభ్యమైందని వికారాబాద్‌ పోలీసులు తెలిపారు. వికారాబాద్‌ సీఐ భీమ్‌ కుమార్‌ తెలిపిన వివరాలిలా ఉన్నాయి. ఈనెల 16వ తేదీన శివసాగర్‌ చెరువులో ఓ గుర్తుతెలియని మృతదేహం ఉందని స్థానికులు తెలపడంతో పోలీసులు వెంటనే ఘటనాస్థలానికి చేరుకుని మృతదేహాన్ని బయటకు తీశారు. స్కూట్‌ నెంబర్‌ ఆధారం గా వివరాలు సేకరించారు. మృతుడు మల్కాజిగిరిలోని చక్రిపురం కాప్రాకు చెందిన నరసింహ మహంతి కుమారుడు విక్రమ్‌ మహంతి(24)గా గుర్తించారు. విక్రమ్‌ ఓ సాఫ్ట్‌వేర్‌ కంపెనీలో పనిచేస్తూ ఆర్థిక ఇబ్బందులతో ఇబ్బందిపడేవాడని, ఈ క్రమంలో మనోవేదనకు గురై ఇంట్లో నుంచి ఎవరికీ చెప్పకుండా వికారాబాద్‌కు స్కూటీపై బయల్దేరాడని తెలిపారు. ప్రమాదవశాత్తు స్కూటీ అదుపు తప్పి స్కూటీతో సహా చెరువులో పడి మృతి చెందినట్లు పోలీసులు వివరించారు.
Updated Date - Nov 17 , 2024 | 11:47 PM
