చెరువులో పడి గుర్తుతెలియని వ్యక్తి మృతి
ABN, Publish Date - Nov 16 , 2024 | 11:31 PM
జిల్లా కేంద్రంలోని శివారెడ్డిపేట్‌ చెరువులో గుర్తుతెలియని వ్యక్తి మృతదేహం లభ్యమైంది. పోలీసులు తెలిపిన వివరాలిలా ఉన్నాయి. స్కూటీతో సహా చెరువులోకి దూసుకెళ్లిన ఓ వ్యక్తి మూడు నాలుగు రోజుల కిందట మృతి చెందినట్లు పోలీసులు అనుమానం వ్యక్తం చేశారు.
వికారాబాద్‌, నవంబరు 16 (ఆంధ్రజ్యోతి): జిల్లా కేంద్రంలోని శివారెడ్డిపేట్‌ చెరువులో గుర్తుతెలియని వ్యక్తి మృతదేహం లభ్యమైంది. పోలీసులు తెలిపిన వివరాలిలా ఉన్నాయి. స్కూటీతో సహా చెరువులోకి దూసుకెళ్లిన ఓ వ్యక్తి మూడు నాలుగు రోజుల కిందట మృతి చెందినట్లు పోలీసులు అనుమానం వ్యక్తం చేశారు. చెరువులో మృతదేహం నీటిపై కనిపించడంతో స్థానికులు పోలీసులకు సమాచారం అందించారు. ఈమేరకు పోలీసులు కేసు నమోదు చేసుకుని దర్యాప్తు చేస్తున్నారు. ఇదిలా ఉంటే శివారెడ్డిపేట్‌ చెరువు రోడ్డుపక్కన ప్రమాదకరంగా మారగా అక్కడ తరచూ ప్రమాదాలు జరుగుతున్నాయి. గతంలోనూ ఓ కారుతో చెరువులోకి దూసుకెళ్లి ఇద్దరు ప్రాణాలు కోల్పోయిన ఘటన మరువక ముందే ఈ సంఘటన చోటుచేసుకుంది. సంబంధిత అధికారులు ఎలాంటి చర్యలు తీసుకోకపోవడం విమర్శలకు దారితీస్తోంది.చెరువుకు చుట్టూ ఎలాంటి హెచ్చరిక బోర్డులు లేకపోవడం, రహదారి అంచు వద్ద రక్షణ చర్యలు లేకపోవడం వల్ల ఇలాంటి ప్రమాదాలు జరుగుతున్నాయని స్థానికులు ఆవేదన వ్యక్తం చేస్తున్నారు. అధికారులు ఇప్పటికైనా తగు చర్యలు తీసుకోవాలని కోరుతున్నారు.
Updated Date - Nov 16 , 2024 | 11:31 PM
