విద్యుదాఘాతంతో ఆవు మృత్యువాత
ABN , Publish Date - Nov 17 , 2024 | 11:18 PM
విద్యుదాఘాతంతో ఆవు మృతి చెందిన ఘటన మండల పరిధిలోని బోడంపహాడ్‌లో చోటుచేసుకుంది. బాధితురాలు కారు సువర్ణ తెలిపిన వివరాల మేరకు.. గ్రామ సమీపంలో శనివారం సువర్ణ ఆవును మేపుతోంది.
షాబాద్‌, నవంబరు 17(ఆంధ్రజ్యోతి): విద్యుదాఘాతంతో ఆవు మృతి చెందిన ఘటన మండల పరిధిలోని బోడంపహాడ్‌లో చోటుచేసుకుంది. బాధితురాలు కారు సువర్ణ తెలిపిన వివరాల మేరకు.. గ్రామ సమీపంలో శనివారం సువర్ణ ఆవును మేపుతోంది. ఈక్రమంలో ట్రాన్స్‌ఫార్మర్‌ ఎర్త్‌ వైర్‌ ఆవుకు తగలడంతో కరెంట్‌ షాక్‌ తగిలి అక్కడికక్కడే మృతిచెందింది. ఆవు విలువ సుమారు రూ.60 వేల వరకు ఉంటుందని బాధితురాలు తెలిపింది. తనకు జీవనాధారం ఆవేనని.. ప్రతీ రోజు గ్రామ శివారులో మేపుతూ పాలను అమ్ముకొని జీవనం సాగిస్తానని, ప్రభుత్వం స్పందించి తనకు ఆర్థిక సహాయం చేయాలని ఈ సందర్భంగా సువర్ణ కోరింది.
