పేకాడుతున్న తొమ్మిది మంది అరెస్ట్‌
ABN , Publish Date - Nov 16 , 2024 | 11:32 PM
కోట్‌పల్లిలో పేకాడుతుండగా తొమ్మిది మందిని అరెస్ట్‌ చేసినట్లు ఎస్‌ఐ స్రవంతి తెలిపారు.
బంట్వారం(కోట్‌పల్లి), నవంబరు 16(ఆంధ్రజ్యోతి): కోట్‌పల్లిలో పేకాడుతుండగా తొమ్మిది మందిని అరెస్ట్‌ చేసినట్లు ఎస్‌ఐ స్రవంతి తెలిపారు. వివరాల్లోకి వెళ్తే.. కోట్‌పల్లి మండలకేంద్రంలో మధ్యాహ్నం ఒంటి గంట సమయంలో కుమ్మరి లాలప్ప షాప్‌ ముందు రోడ్డుపక్కన కొందరు వ్యక్తులు పేకాడుతున్నట్లు పోలీసులకు సమాచారం అందింది. దీంతో అక్కడ పేకాడుతున్న గద్దకింది ఎల్లయ్య, పల్ల ప్రవీణ్‌కుమార్‌, తుమ్మలి భాస్కర్‌, సలీంకురేషి, ఎండీ గౌస్‌, ఫక్రుద్దీన్‌, నేర్లపల్లి రాంచెంద్రి, బలిజగూడం శ్రీశైలంలను అదుపులోకి తీసుకుని అరెస్టుచేసి కేసు నమోదు చేసినట్లు ఎస్‌ఐ స్రవంతి తెలిపారు. పేకాడుతున్న వారిపై కఠిన చర్యలు తీసుకుంటామని, ఎక్కడైనా పేకాడుతున్నట్లు తెలిస్తే వెంటనే పోలీసులకు సమాచారం అందించాలని ఆమె తెలిపారు.
