కొత్తగూడెంలో పుష్ప-2 షూటింగ్‌
ABN , Publish Date - Nov 17 , 2024 | 11:11 PM
ఎదులాబాద్‌, కొత్తగూడెం మూసీనది సమీపంలో ఆదివారం పుష్ప-2 చిత్రానికి సంబంధించి పలు సన్నివేశాలను చిత్రీకరించారు.
ఘట్‌కేసర్‌ రూరల్‌, నవంబరు 17 (ఆంధ్రజ్యోతి): ఎదులాబాద్‌, కొత్తగూడెం మూసీనది సమీపంలో ఆదివారం పుష్ప-2 చిత్రానికి సంబంధించి పలు సన్నివేశాలను చిత్రీకరించారు. ఐకాన్‌స్టార్‌ అల్లు అర్జున్‌ హీరోగా, సుకుమార్‌ దర్శకత్వంలో తెరకెక్కుతున్న ఈ చిత్రం షూటింగ్‌ సాయంత్రం వరకు కొనసాగింది. మూసీనది వంతెన వద్ద చెక్‌పోస్టు ఏర్పాటు చేసి వాహనాలను తనిఖీ చేసే సన్నివేశంతో పాటు ఇతర సన్నివేశాలను చిత్రీకరించారు. చిన్న చిన్న అర్టిస్టులతోనేఈ షూట్‌ పూర్తిచేశారు. కాగా, అల్లు అర్జున్‌ వస్తారనే ప్రచారంతో చుట్టు పక్కల గ్రామాల ప్రజలు, యువకులు అధిక సంఖ్యలో షూటింగ్‌ చూడడానికి తరలివచ్చారు.
