కలప తరలిస్తున్న లారీ పట్టివేత
ABN , Publish Date - Nov 17 , 2024 | 11:50 PM
లారీలో అక్రమంగా కలపను తరలిస్తుండగా పట్టుకున్నట్లు బషీరాబాద్‌ పోలీసులు తెలిపారు.
బషీరాబాద్‌, నవంబరు 17(ఆంధ్రజ్యోతి): లారీలో అక్రమంగా కలపను తరలిస్తుండగా పట్టుకున్నట్లు బషీరాబాద్‌ పోలీసులు తెలిపారు. మండలంలోని జీవన్గి గ్రామ శివారులోంచి అక్రమంగా లారీలో కలపను తరలిస్తున్నట్లు ఓ వ్యక్తి స్థానిక పోలీసులకు సమాచారం అందించాడు. వెంటనే పోలీసులు అక్కడికి చేరుకుని లారీ డ్రైవర్‌ను విచారించగా మంచిర్యాల్‌ జిల్లా బెల్లంపల్లి మండలం బుధగుట్టు గ్రామానికి చెందినవాడిగా చెప్పుకొచ్చాడు. కలపకు సంబంధించి పోలీసులు డ్రైవర్‌ను అనుమతిపత్రాలు అడుగగా చూపించకపోవడంతో లారీని పోలీ్‌సస్టేషన్‌కు తరలించారు. అనంతరం తాండూరులోని ఫారెస్టు అధికారులకు సమాచారం ఇచ్చినట్లు ఏఎ్‌సఐ నారాయణ తెలిపారు.
