పట్టణంలో ట్రాఫిక్‌ ఇబ్బందులు
ABN , Publish Date - Nov 16 , 2024 | 12:17 AM
కార్తీక పౌర్ణమి అనంతగిరి శ్రీ అనంతపద్మనాభ జాతర, ధారూరు జాతర నేపథ్యంలో వికారాబాద్‌ పట్టణంలో ట్రాఫిక్‌ ఇబ్బందులు తలెత్తాయి.
వికారాబాద్‌, నవంబరు 15 (ఆంధ్రజ్యోతి): కార్తీక పౌర్ణమి అనంతగిరి శ్రీ అనంతపద్మనాభ జాతర, ధారూరు జాతర నేపథ్యంలో వికారాబాద్‌ పట్టణంలో ట్రాఫిక్‌ ఇబ్బందులు తలెత్తాయి. ముఖ్యంగా ప్రధాన కూడలి అయినా ఎన్టీఆర్‌, బీజేఆర్‌ చౌరస్తాలో వాహనాల రద్దీ నెలకొంది. మూడు రోజులు జాతర నేపథ్యంలో పోలీసు బందోబస్తు ఏర్పాటు చేయాలని పట్టణ ప్రజలు కోరుతున్నారు.
అనంతగిరిలో సినిమా షూటింగ్‌.. భక్తులకు ఇబ్బందులు
టాలీవుడ్‌ యంగ్‌ హీరో విజయ్‌దేవరకొండ నటిస్తున్న ఓ సినిమా షూటింగ్‌ అనంతగిరి అడవుల్లో కొనసాగుతోంది. మూడు రోజులుగా ఇక్కడ యాక్షన్‌ సన్నివేశాలను చిత్రీకరిస్తుండటంతో అనంతగిరి ఆలయానికి వచ్చే భక్తులకు ఇబ్బందులు తలెత్తుతున్నాయి. చిత్ర బృందం శుక్రవారం పుష్కరిణికి వెళ్లేమార్గంలో ఎవరినీ వెళ్లనీయకుండా బౌన్సర్లతో కాపాలా పెట్టారు. మీడియాతోనూ దురుసుగా వ్యవహరించారు. ఫారెస్ట్‌ అధికారుల సహకారం వల్లే ఇష్టానుసారంగా వ్యవహరిస్తున్నారని, జాతర సమయంలో ఈ సినిమా షూటింగ్‌లకు అనుమతులు ఎలా ఇస్తారంటూ భక్తులు మండిపడుతున్నారు. సినిమా వాళ్లు ఇష్టానుసారంగా చెట్లు విరగొట్టినా పట్టించుకోకపోవడంపై స్థానికులు అసహనం వ్యక్తం చేస్తున్నారు.
